الناس واجد وانت تفرق عن الناس=بأوصافك الي فالهـوى معجبتنـي
حسن ودلال ٍ فارق وذوق واحساس=والعفه الـي فيـك زود اذبحتنـي
لكن منك الي على القلب وسـواس=صدّر معاليق الضمـا واوردتنـي
ما عاضني في مجلسك كل الاجناس=سود النوايـا فالكـلام امرضتنـي
العام جلست صاحبي تقعد الـراس=واليوم مـن مـر الليالـي سقتنـي
حطت على قلبي ثلاثيـن متـراس=حتى نهـار العيـد مـا عايدتنـي
ناديتهـا ياغايبـه عـل لا بـاس=تعالـي الغيبـه تـرا حطمتـنـي
إما لحقتيني قبل قطـع الأرمـاس=والا مجاديف السعاده رمتني
واما ارحمي قلب ٍ تثنابه اليأس=والا ليال الحب عنك اخلفتني
ضامي لوصلك والمعاليق يباس=وايام عمري فـ الشقى علقتني
مال الغلا في خاطر الحب مقياس=لو الدروب العوج معك اتعبتني
اما تتم الوصل ياعذب الانفاس=وتبعد هموم ٍ مـن غلاك احرقتني
والا نروح وكل شي ٍ على ساس= والذكريات بداخلي شيبتني
وابذكرك لا هب بالجو نسناس = نسمة غلا مرت علىّ أوخذتني
حطيت في قلبي عن الحب حراس = غلاك بالشريان غصب اعسفتني
يلوفني لوف القلم وسط كراس = وعن حالكم ياغاليه علمتني
واليوم طاس براس مجنونك الفاس = وعيني من فراقك بكت واسهرتني
وحارت بي اقدامي وسافرت مكناس =