الملتقى الجماهيري للشاعر محمد بن فطيس المري - عرض مشاركة واحدة

#1 03-11-2012, 01:46 AM

** حيــــــل الله اقـــــــــــــــوى **

بسم الله الرحمن الرحيم ..
السلام عليكم ورحمه الله وبركاته ..

حيل الله اقوى وانا ما عاد يمديني ..
جاك الجمل بالحمل من فوقه شداده ..

قصيدة للشاعر والمبدع / فارس بن عويف ,,

راقــــت ليـا وحبيت اطلعكم عليها ,,

الله يحي طعونك يانظر عيني ..
هالمره ابطت ولا جتني على العاده ..
طعنه تبشرني انك مانت ناسيني ..
طعنه تهز الكيان وتجرح فؤاده ..
كنت احسبك عايفٍ جرحي وسكيني ..
واثرك تعز الكرام تقدم زياده ..
مشكور يامرهي المَده ومعطيني ..
بانت عليا النعم من غير حَسّاده ..
حيل الله اقوي وانا ماعاد يمديني ..
جاك الجمل بالحمل من فوقه شداده ..
احيان اقول اللذي ما بينك وبيني ..
قصة سجين عشق من يوثق قياده ..
واحيان اقول الهوى لعبة مجانيني ..
فيها يغيب العقل وتحل الإباده ..
ما ادري ويش اللي على دربك يوديني ..
اجيك طوعاً وانا مسلوب الإرادة ..
حيل الله اقوى وانا ما عاد يمديني ..
جاك الجمل بالحمل من فوقه شداده ..

اتمنى تحوز على اعجابكم وتقييمكم ,,
تحياتــــــــــي و احترامـــــــــــي اهديه
لمن وضع لي بصمة هنــــآ بتشريفة لــــي..

المصدر: الملتقى الجماهيري للشاعر محمد بن فطيس المري