الملتقى الجماهيري للشاعر محمد بن فطيس المري - عرض مشاركة واحدة - فقيــــره حالــــة العاشق وظن الفقر بحسن حــال

03-20-2012, 03:03 PM

وعليكم السلام ورحمة الله وبركااته ,,

صباحك ومسأك شعر وكل خير وكل رضائ ,,

حياك الله يالشنيف ,,

تهجيت الضيــــا نـــوره بعيني مســـرح الآمـــال
وكتبته في مســــاي أنـــه حقيقة أول أوهـــــامي
وثـــانيــه الســراب اللي أشوفـــه للوصال وصال
لقلـــب(ن)يدفعه وقتــه وهــــو من شدتـــه ظامي
لقـــــا من دونــــه الرحلـــة طويلــة كنها السلسال
حلقها أمن الشقــــا والهم ومــوت(ن)مبسمه دامي
علـــى حيد(ن)حمـــل وزر السنين المذنبـــة أجبال
ولا كلـــت متون(ن)شـــــالت اجرامي على اجرامي
تعب ساق(ن)يجوب الأرض يدور للعـــذر مدخال
ولـــكـــــن حيلتــــي باللي خلقنـــي وقوّم إعظامي
عليـــــه أشكي زمان(ن)شفت منّه دمعــــة الرجال
تطيـــــــح من القــــهر والوقت ذلـّــــه كنه إلجامي
لســـــاني كبلـّـه حرف(ن)تلعثم ونحبس غربــــال
بصـــدر(ن)تجمع أنفاسه رمــــاد أضلوعه الحامي
تـــدفــــــآ قلبي من بـــــــرد الفـــراق وثلجه القتال
علــــى نــــار الضلوع اللي حرقهـــــا والع إلهامي
فــــراق(ن)من عشيق(ن)حـافظه مثل العهد لا زال
واوفـــــي فجوة أفراقــــه بــدمـــع(ن)يفزع آلامــي

الله الله ياعاامر هناء وقف السبك والحبك على اجميع اعضاءه هنا ارى قمة الابداع ياعامر ,,
ماشاء الله تبارك الله

واســـــــولــــف للألم تــــدري بأنك أول الأطــلال
لآخـــر هــالمكـــان اللي جمعنا شــــوق بهيــــامي
عشيــق(ن)كنفيـــــه الطهر والعفة وقــر وجلال
وروح(ن)مــن تحلــّمها حنان(ن)يكفــــي أيتــامي
ومــلامـــــح يوسفيه حطهـــا ربي عليــه خصــال
بعيـــن(ن)كحلها ليـــــــل(ن)سريته شادد احزامي
وجديــــل(ن)قيّد خيــــــوط الحرير ولمعته كاللال
ومبســـم أختلط ريقه بتــــوت(ن)من شجر شامي
وجــيــد(ن)لين كفينــه الين الســــاق والخلــخــال
يــــزيّـــن مشيـــته والا تثنى أعــــــض الأبهامي
سقـــــا الله يوم كان لدنيتي مثل الهدب وضــــلال
لعين(ن)لا بكى طرف الحزن من قســـــوة أيامي
ولقـلـب(ن)حس من عقبه ضيــــاع لخطوة الدلال
لأنــــه وجهتـــي من وين مـــــا وجهت قـــدامي
خيــــالـــه قد بنا بيت(ن)بموق العين لــه زرفـال
وبـــــــــابه جفني الساهــر وخـــدي بيد وخيامـي
يســـــلني بعد فرقـــــاه ويلعّبني بطيــــش أطفـال
وإذا منـــي تهاديتــه رجـــع واكملـــي لي إعدامي
ووقــف منهك الخطوة ولا ادري وين لي ترحال
أدور عـــــن أمــــل يحي وآثــــاري حظنا طـامي
مثـــل واد(ن)بطــاه السيل من مده ولا قد ســال
وجــفّ القـــاع من عقبه ولا به زرع وخزامـي
وحـــب(ن)قصدنـــــا نذراه ولكنّ الهــــــوا ميّــال
نـــثر جهــد السنين اللي جمعنـــا حبهــا أعوامــي
فقيــــره حالــــة العاشق وظن الفقر بحسن حــال
وإذا كــان الفقر فـــالزاد أنا الطاوي وأنا الظامي
وأنــا وجه الغريب اللي في صحر دنية الآمـــال
أدور قـــافلــــة حـبــي وأدور واحــة أحـــلامــــي

ياسلام هنا عانق الابداع الوصف وقمة الجمال في التركيب ,,
حيااااااك الله ياعامر الشنيف ,,
وانت سالم وغانم وسلم قلبك ولاهنت ,,
صح الله لسانك وصح قلبك وكلك ولاهنت واشهد لك شهادة حق انك شاعر جزل معنى الجزاله ,,
الا الامام اترقب منك الجديد سجل خالد العبيريد واحد من جماهيرك ومتابعينك بشده ,,
لك كل شكري وتقديري وخالص احتراامي .