ما فيه أمل يا صاحبي ما فيه أمل = أنــام لــيــلـة واحــدة مــثــل الـعــبــاد
يـتـوقني هاجـوس شعـرٍ مـحـتـمل = واكتب بيوت الشعر من دون اقتـصـاد
مــدري أنـا يا صاحـبـي قدّ الحـمل = وألّا هــي أحــلامٍ مـثـل سرب الـجــراد
ودّي أوقف مثل وقفــــات الجـمل = مـا ارضى عـــليّ المــهزلة والإنتقـــاد
وودّي كلامي لنكتب يصبح مــثل = يـــتوارثــونه مـــن قراب ومن بـــعـاد
أنا يجــيني مــثل رعّـــادن همـل = مـــزنه على قيـــعان وأروتـــها هجـاد
بيوت شعرن شكّلت ورشة عمل = الــصدر موقـعـها وهي تــبغـى أعـتماد
أنا أعتمد فالقاف باقي ما أكـتمل = والّا هي أحلامن مــثل سـرب الجــراد

أسمع كلام اللّي ليآ هرّج صمل = هرجه كـما نـفـح النـفـل والّا الزبـــاد
واصل على دربك وحذرا لا تــمل = يا قـرب ماتـوصـل لـشفّـــك والمــراد
واحذر تــعوّد مثل بدرن لا كــمل = بـــدا يـــعــــوّد للـتـلاشـــي والنـــفــاد
هذا كلام اللي اللّي ليآ هرّج صمل = شـــاعر يهــيــم ولا يـهـــيم بـكــل واد

الحب الأول يآ بعدي كآن تلفيق = طردٍ ورى المقفين مآبه فوآيد
أنا خذا قلبي من اقصى المعاليق = غزالةٍ ما مثلها في البدآيد
أجر صوتي واستمع للمطاليق = وان مر طآريها غدآ الذهن شآرد
أقوم متلخبط سوآت المطآفيق = كنّه زمر بالرّآس شيطآن مآرد
وأقول مآ عنّي وعنها معاويق = واستغفر الله وارجع البيت بآرد
أقفّل الطّآقة وأنا ودّي أويق = لعل مرسول المحبّين وآرد