ياطلال ليا بغيت الدرب قلّي=والله اني ما اتوانا يا طلالي
الرفيق اللي يدوّر خوتٍ لي=خوّته تشرى ولو شح الريالي
وان بدا لي ظرف والا ما حصلّي=العوض فـ المقبلات من الليالي
والرفيق اللي ينومس عزوتٍ لي=وانت من عالي ودوم الراس عالي
منزل العتبان دايم مستقلّي=فـ الرفاع ولا يحبون الهيالي
عندهم للي يعادي ما يغلّي=فيه رمح وفيه سيف وفيه صالي
لو تخاوي لك عتيبي ماتملّي=كانه اقرب من عمام ومن خوالي
وان خطرته ضيف تلقى اللي يهلّي=طاب فاله واشحذ الله طيب فالي
في عتابه ويش اقول وويش اخلّي=كاسبين الزود ما والله بقى لي
كانها للمورقي جيتك وكلّي=ما اتوانا حيل ما تقصر حبالي
شاعرٍ كل المحافل له تهلّي=شرق غرب وفي جنوب ومن شمالي
وزود حرف الضاد (ام اللي )=انجليزي وعربي نسجٍ خيالي
بارقٍ يطرخ عسى مثله يتلّي=يكسب النوماس من عرض الرجالي
والله اني في حياتي مارخص اللي=فيه دين وفيه طيب وعز والي
مزبنه وليا نصيته مزبنٍ لي=قال بن بداي لله الكمالي

المصدر: الملتقى الجماهيري للشاعر محمد بن فطيس المري