قصيده في نظام ساااااااااااهر ويوووووووووووووووزع

نظــــام ساهـر لاتزيـد المعانـات ## يآالــة التصويـر كونـي رحيمـه

الناس فيهم ناس تحتـاج وقفـات ## وانتي هدفك اليـــــوم جمـع الغنيمـه

فكره جديده للبشـر توّهـا جـات ## تكشف مدى السرعه وترصد قسيمه

يالله عساها خير في كـل الاوقـات ## لعلهـا تكشـف خفايــا عظيـمـه

زحمة شـــوارع والحفـر والمطبـات ## منها نعــانـي مـن سنينـن قديمـه

تكاثرت بأسبـــاب نصـب الشركـات ## لين اصبحت في كل شارع مقيمـه

راحت سبايبهـا مواتــر وكـالات ## تكسّرت من عقـب كانـت سليمـه

البارحه يمكن الي خمـس مــــرات ## وفــلاش ساهـر مستلمنـي ظليمـه

لامزود السرعه ولا اقطع إشــــارات ## حتى ولا اتابـع مسلســل حليمـه

أي والله اشغلني بكثــــر الرسـالات ## والضغط مايحتــاج نظـره غشيمـه

ليـت الرقابـه تتجـه للمـحـــلات ## اللـي تجارتهـم خــداع ونميمـه

من يوم سمعوا فالرواتب زيــادات ## واسعارهـم تـــــزداد قيمـه وقيمـه

سعر الشعير وزاد عشره ريـــالات ## غير الدجـــاج وغير سعـر الكريمـه

واهل الشقق زادوا بسعر الاجـــــارات ## واصبح قليل الوجد عايف حريمـه

وان كبرت الدعوه وجات العــلامات ## انردهـا لاهـل القلــوب الرحيمـه

من غير ابو متعب بوقت المهمــــات ## له موقفن حــازم ونظـره حكيمـه

اب ورحيم وله مع الشعب وقفـــات ## وقفاته عـلاج الجـــروح الاليمـه

المصدر: الملتقى الجماهيري للشاعر محمد بن فطيس المري

ممنوع وضع ارقام الاتصال والتواصل في هذه المنطقه

تم تحريره من قبل الاداره