[فلاح الشدقاء]

ترى الشعر ياشعار له واجب وحقوق
. . . . . . . . . . ولاحد ن يقصر في حقوقه وماجوبه

يبي هاجس يوفي لمنه بدع طاروق
. . . . . . . . . وشمسه تشع النور ماهي بمحجوبه

موروث العرب ينصان ما يستحق البوق
. . . . . . . . . . حسيبه على اللي لاهرج يخلف اسلوبه

وبدعه ماهو بالغصب يبدع بفن وذوق
. . . . . . . . . . . . كانك تقدره ولا فلا تنهج دروبه

معك كاش ولاابعد ترى السوق سعره فوق
. . . . . . . . . . حبيت انقل الك العلم قبل المجي صوبه

واذا صار مالك قدرةٍ بارتفاع السوق
. . . . . . . . . . الي طعت شور الله قبل شوري التوبه

ماجوبه وحقه عند منهو يزيده شوق
. . . . . . . . . . . اللي لا بدع قافه يجي لك بمنجوبه

افكاره رهاوتها تحن وتلوح بروق
. . . . . . . . . . وتروي لها اسماع من الجزل مجدوبه

تروق القصايد له وهو للقصيد يروق
. . . . . . . . . . ويخلد جزيلاتٍ لحضرته محسوبه

وفكره على كسب البيوت الجزال يتوق
. . . . . . . . . من اهبال يكتب نوبه ومن عقل نوبه

وعلى كل حاله سابقه ماهو بمسبوق
. . . . . . . . . . مجمل وبامر الله محمي من الكوبه

ينوش الهمم ويعدي الكايده ويفوق
. .. ... . . واليا من ركض معه النواميس مصحوبه