الملتقى الجماهيري للشاعر محمد بن فطيس المري - عرض مشاركة واحدة

04-26-2012, 08:49 PM

اسمك اللي بقى غصّه بـ حلق الكلام
اسفه ان عفتني واسفه لو اشتقتلك .

للحنين الصور ..لـ احزان قلبي سلام .
اللي ضاقت بها الدنيا وتتحمّلك .

كل ما هبّت الذكرى وطار الحمام
آتنهّد ( وأفكّ زراري ) وآحنّلك

انت لو مالك فـ قلبي الكبير احترام
كان ما طاحت الدمعه و انا اتخيّلك

وانت سخّرت لك عمري رضا واهتمام
كنت خايف عليك أكثر من الحاجه لك !!

وانت رتّبت عذر فراقنا قبل عام
وقتها (ماتت أحلامي ) ولا قلتلك ...

رغم هذا الحزن فيني عليّ الحرام
أذكرك ، وأدعي : ياجعلي مـ أذوق زْعلك

فات ما فات من جرح وعتاب وملام
ومدري أهملتني ؟ ولا القدر مـ امهلك !

ودّي اروح واتوسّد..يد امّي وانام
يالحبيبه ،وانا ميّت قهر بسألك :

وش بقى للمشاعر؟وش بقى للكلام ؟!
وانت كرّهتني قربك وأنا بـ أوّلك .

كان غيري معه ( شوق ، وحنين ، وغرام )
لو عطى ربع مما اعطيت،يستاهلك

وافترقنا وفي صدري طير السلام
الله يبيح ما جا منْك ويحلّلك ...