رد: قصائد بين طيات المنتدا لمجموعه من الشعراء
اليكم هذه الباذخه من قصائد الشاعر ناصر الشريف
اللتي مررت بها وانا اتصفح القصائد بين طيات هذا الصرح
قـال مـن عنـى وجيـه الـقـوم بالـفـاظ المعـانـي=يالله انـك يـا عظيـم الـشـان تـفـرج كــل ضيـقـه
الزمـان الشيـن بحمولـه علـى ظهـري فجـانـي=والحقيـقـه شـابـت وشـابـت معالـيـق الخلـيـقـه
كـل هـمٍ راح مـن وقتـي مـن سمـومـه سقـانـي=لين صـرت ابـث سـم انفـاس نفسـي فـي دقيقـه
يــا زمـانــي لا تكـرهـنـي بـربـعـي يـــا زمـانــي=الـقـرايـب شـبــت بـداخــل معـالـيـقـي حـريـقــه
كـل مـا غنيـت دمــع العـيـن لـخـدودي شكـانـي=ليـن صـارت وجنـة الخديـن بدمـوعـي غريـقـه
انطـوى حلـم الـزمـان وضــاع تعبـيـر الامـانـي=لكـن جـروح الضمايـر داخــل اعمـاقـي طليـقـه
ايه يا ليـل الشقـى ياللـي مـن اوهامـه كسانـي=ليـه مــا تـرحـم وريــدٍ صـدمـة اهـاتـه عميـقـه
مـا تخـوف مـن الله الرحمـن مـن بـث البيـانـي=يـوم تجـرح روحــي وتـذبـح مواثـيـق الحقيـقـه
وانت يا جنح الظلام استر علي واعرف مكاني=بيـنـي وبـيـن الـوفـى والـعـز والـغـيـره وثـيـقـه
مــا تـبـي شـاهـد ولا تحـتـاج مـنــي ترجـمـانـي=لنهـا فـي داخـل الوجـدان صـارت بــي لصيـقـه
ارتـعــي يالقـافـيـه مـــا دام خــلاقــي رعــانــي=داخـل ضلـوعـي مـقـرك والقـلـم لجـلـك اريـقـه
ابتـديـت الـقــول يـــوم الـقــول للـعـالـم بـدانــي=والخـلايـق كــلا اقـفـى يـرتـدي بـدلــت فـريـقـه
مـا بقـى للعـيـش داعــي يــا جزيـئـات الثـوانـي=الـذهـب مـعـدن ولـكـن تختـلـف لـمـعـة بـريـقـه
الخـيـانـه جـوهــا مــؤلــم ومـوقـفـهـا كــوانــي=يـوم جتنـي يـا هـل الـنـالات مــن قــوم عريـقـه
والخـوي وقـت الشدايـد بيـن خلـق الله نسـانـي=والصديـق اليـوم قـفـى دون لا يـرعـى صديـقـه
وين ذاك اللي لمـا اشتـدت عليـك يجيـك عانـي=مـا يـخـاون فالقـريـب ولا يـخـاون فــي رفيـقـه
راعـي المـدات فـي وقـت القسـى والا الليـانـي=ما يخلـي صـوب خلـق الله علـى نفسـه طريقـه
لا بغيـت امـدح تراخـا المنطـق ولعـثـم لسـانـي=وان بغيـت اذمــه تصـيـر المـذمـه بــي سليـقـه
يـا نجـوم اللـيـل هـاتـي مـيـزة سهـيـل اليمـانـي=والذكـي يفهـم ومـن يفهـم فــلا ينـسـى شقيـقـه
في صفاته راحت حروف الغلا غـرب الموانـي=واكتسح وجداني اللـي ضـاق بـه حتـى شهيقـه
المـعـانـي جـاتـكـم والـلــي مسـخـرهـا بـنـانــي=(الزهـر واجــد) ولـكـن العـسـل داخــل رحيـقـه
|
