رد: هذيان وخفايا جــــروح الصمت
مرت سنه على فراقها ونحن نشعر كأنها البارحه..فنحن ما زلنا نعاني من مصاب الفراق..!!
أيعقل ان يُحب شخص ما كما أحببناها
أيعقل ان تمر سنه والعين ما زالت تدمع على فراقها..؟!!
أيعقل ن يسبب فراقها كل هذا الالم وهذا الاشتياق..؟!!
جدتي .. وأي كلمات حزن تعبر عن فقدك !!
لـ روحك الطاهره مني سلام ..
ياكم حضنت هالقبور ناس غاليين
وياكم تمنينا ردتهم
عندما اغلق عيناي لـ النوم لايمر بها الا ثغرك الباسم
تجاعيد وجهك التي زادت منك جمالا
عيناك الرماديتان .. الحناء في كفيك
ريح دهن العود في ثيابك
وخاتمك الذهب ... اتذكر اخر مره قبلت بها راسك وكفيك
كانت تطغى على رأسك رائحة الحنا الطاهر
لازلت احفظ بعض قصائدك التي ترددينها
جدتي .. او بالاحرى امي
يمه قربي اذنج يمي شوي
بأمانه ماكنتي تحبين هالكلمه حتى لو نقولك شيء بايخ
تضحكين وتعلى ضحكتك لمانخصك بشيء غير الباقين
انتي غير واعرفي انك غير
انتي امي .. انتي جدتي
انتي اطهر انسانه شفتها
يمه بقولك سر
للحين مااستوعبت غيبتك !!
للحين لما يمر علي موقف
للحين لما يصير شيء مهم
اذكرك .. اتمناك عندنا
أشتهيت ادخل والقاك بوجهي تهلين وتهاوشين وتزعليَن
اشتقت لصوتك وانتي تدعين
ألحين وينك !
لما نجتمع ويكون صدر المجلس فاضي
لما ادخل غرفتك وماالقى سريرك
لما مااشوف طاولتك عليهاقهوه
لما مااشم دهن العود
لما مالقى احد ابوس يده قبل مااطلع !!
والله العظيم اشتقت لك حييييييييييل
والله مانسيناك ماتزال رائحة ذكراك تعبق في قلوبنا
ايامك معنا ما زالت تسكننا
اللهم اغفر لجميع موتانا وموتى المسلمين واسال الله ان يجمعنا بهم في الفردوس الاعلى
ماكتبته فضفضه من القلب .. كل اللي ابيه دعوه من القلب لـ جدتي ولموتى المسلمين
|
