عبدالله السفياني
هلا يامرحبا والقلب لاسالي ولاطربـان=ولكن لجل عينن تكرم الدولـة واهاليهـا
رضينا مانقول إلا اللذي يرضيك يارحمان=إله الكون يعلم حاضر الهجره وماضيهـا

قاصد كريم
عوافي وانت وافي والمحبه تجبر الانسان =ولكن سرها عل وعسى تطرب بتاليها
رضيت بما رضيت بطاعة المولى عظيم الشان =عساك تيمم الوجهه وتسريها ونسريها

عبدالله السفياني
على هذا بذلنا كل ما نملك من الوجدان=رسائل راقية مضموننا يصحابنـا فيهـا
انا مدرك واقول السيل ما يأتي بلا هتان=ولكن رحمة الخلاق كل الناس ترجيهـا

قاصد كريم
صحيح اللي تقول وكلمةِ يرجح بها الميزان =يشذ من القواعد شي عنها مايباريها
فلا تامن سحاب الصيف سيله ياخذ العربان=ومن له عادةِ يابن العرب ماهو مخليها

عبدالله السفياني
على رسلك تذكر قبل وقت وسالف الازمان=وهذا الوقت في نعمة كبيرة عائشـن فيهـا
ومن لم يدرك الخطوة ولا يبني على سيسان=يروح سالفـة للنـاس والعربـان ترويهـا

قاصد كريم
يوقفني كلامك وقفة اللي فارق الاوطان=يراجع ذكريات ايامه الحلوه ويبكيها
عسى ماخلاف والمكتوب يظهرلي من العنوان=اشر سلعة خليل الاحمدي قدام لاشريها

عبدالله السفياني
يشوق المغترب من ما فقد من صحةالابدانعيونـه مـا تـذوق النـوم والاوجــاع تعميـهـا
تبحر فالرسالة وافهم المكتوب ياخـو افـلانبعدها عامل التجـار واعـرف كيـف تقضيهـا