رد: $& تميز بما شئت ولكن لا تتكبر &$
صباااح الخير متابعين المدونه الاعزاء
كنت متضايق لكن عقب اتصال الغالي
ـــــــــــــــــــــ انشرح صدري وراحت ضيقتي وانزاحت
دق بأحساسي قبل دقته في جوالي
ـــــــــــــــــــــ وسبقت كل السوالف دمعتين ٍ طاحت
صرت كني بين خلاني وانا بلحالي
ــــــــــــــــــــ وانبسط سمعي لصوته والعيون ارتاحت
قال كيف الحال قلت الحين سرك حالي
ـــــــــــــــــــــ كل شي ٍ في ضميري من همومي ساحت
فارح ٍ بك فرحت البدوان للهمالي
ــــــــــــــــــــــ شافت بروق الوسم من عقب مده لاحت
والا انا قبل اتصالك يالغلا يرثالي
ــــــــــــــــــــــ ويتضح ضعفي الى من الحمامه ناحت
يا حبيبي كل ما تطري علي في بالي
ــــــــــــــــــــــ تعتريني عبرة ٍ بين الحنايا صاحت
و اتهرب واعتلي في كل رجم ٍ عالي
ـــــــــــــــــــــــ وكل الاشواق القديمه والجديده فاحت
اتصدد واتصبر لا ترا عذالي
ـــــــــــــــــــــ يحتفظ صدري بها لكن عيوني باحت
|
