ياطيب القلب لاتشره على حالي=من بعد فرقاك ذا دربه ومنهاجه
بلشت في حب قلبك اول وتالي=داويت جرح الهوى ولا احتلت في علاجه
ياليت قربك تعذر ماتهيالي=سكنت في القلب لكن مابه مواجه
كنت اتصبر واقول الصبر يحلالي=سبحت بحر الهوى وغرقت بامواجه
يدعيني الشوق لامريت في بالي=والبعد من دون وصلك شيد سياجه
عديت رجم الهوى لكني لحالي=وسجيت رجلي بدرب ماحد(ن) ساجه
وفي راس رجم الهوى جريت موالي=حسبي على اللي حرمني ضحكه حجاجه
نفسي عزيزه وعيني دمعها غالي=والدمع لاطاح ماهو يرجع ادراجه
وش لي بحبك وحبك ماتهيالي=النفس طابت ولالي عندكم حاجه
