الملتقى الجماهيري للشاعر محمد بن فطيس المري - عرض مشاركة واحدة - كــرسُي الطــفـًووله هًناا -- طفًولة عضًو فًي منتًدى محْمد ٍبن فطيٍس

الاوسمة · 06-24-2012, 04:49 PM

ياهلا بكم جميع وشكرالك يالغاليه

الطفوله تلك السنوات الجميله البريئه تعود بنا الذكريات وراح نجاوب على الاسئله

نشيد كنت/ي تحبه / تحبينه أيام الطفوله ؟؟
ماخليت نشيده مارددتها حتى القصائد
حقت الشعراء ماسلمت مني وانا
بسن الرابعه كانوا يحكون اني كنت
القي القصائد المغناه بشكل فضيع
ماتذكر تلك الفتره
بس في سن السادسه
اي شي حلو القطه طوالي

::::

شخصيه كرتونيه كنت/ي تحبه/تحبينها ؟؟
هايدي..وسالي

::::

كيف كنت/ي ايام طفولتك حركة/يه ولاهادئة/ه ؟؟
تقريبا هادئه جدا
::::
[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

ماهي المواقف اللي عرضت فيها اهلك للاحراج؟؟
مره وانا صغيره كنا عند ناس بسهره
وكان فيه بنت بخاريه
ملقوفه وانا طبعي هادي طوال السهره
تتلقف عليه وانا صابره يمكن عمري 7
سنوات المهم تحملت حتى فاضي فيني
الصبر ..انما لصبر حدود
واثنا ماهي تتلقف اخذت علبة لبن
صغير وكبيتها فوق شعرها واعطيتها دووش بالبن
انحرجت امي كثير وشكلي اخذت
علقه قويه ادبتني بس والله صبرت
عليها مره كف مره ترميني بجزمه بفنجان كرهت السهره

::::

هل كنت شخص ذو شخصيه قويه أم مغلوب عليه ؟؟
لا كانت شخصيتي مره قويه في المواقف
اللي تستحق وهادئه في المواقف اللي يبيلها هدوء

::::

اكبر عيديه جمعته/جمعتيه كم ؟؟ ومن مين ؟؟
عيديه ماتعودت
اخذ عيديه العيديه في الاشياء اللي
نشتريها قبل يوم العيد من لباس
واللعاب وحلويات والذهاب للملاهي
ليلة العيد غيرها ماعرفت العيديه
نقد الا بعد ماكبرت والسبب
مره سوت لنا امي حصاله لي
ولأخوي وجمعنا فيه مبلغ كبير
واخذها اخوي وداها للمدرسه
لزملاءه وفتحوها وكل واحد اخذ
اللي يبيه كان صغير جدا وانا
كنت اخبي عليه لا احد يكشفه
بعدها منع عنا النقد المالي لأننا
لعبنا في الحصاله وضيعناها
::::

يوم كنتي صغيره تسوين جدايل ؟؟<<للبنات بس
لانهائي في طفولتي ماكنت
اسويها لأن شعري دايم مقصوص حتى
كبرت وتركته يطول ..

::::

يوم كنت/ي طفل/ه تلع/بين بكمبيوتر العائله ؟؟
لاماكنت اللعب فيه لأن الكمبيوتر
دخل بيتنا متأخر يعني لما كبرت انا
واخوي اخذنا كمبيوتر على ايام المتوسط

::::
من كـان يدلعك أكثر أبوك او أمك ؟
امي اكثر ابوي يدلعنا بس مايعتمد علينا يشوفنا صغارولحد الآن يشوفنا صغار وهو اللي يتحكم بكل القرااارات
امي تحملنا مسؤليات وتعتمد علينا
::::

اســم دلعك بالطفوله لحد الان ينادونك به ؟؟ وماهو ؟؟
احراج تايم ...يحرفون اسمي ويطلع لي دلع

::::

بطفولتك كنت/ي تبكي/ن إذا ماجلست/ي بالاول بالطابور اوالفصل ؟؟
ابكي لا انا احب بالخلف والمشكله ان المعلمه اللي
كانت تدرسنا اول ابتدائي كانت تحطني
بحضنها واجلس كأنها امي تحبني لدرجة
انها بكت عندما نقلوني لفصل اخر
وانا بالسنه الرابعه
حزنت من جد وشكت على امي
وطلبت يرجعوني بس مارجعت
لأن زميلاتي كانوا بالفصل اللي احبه
وكنت اجلس بالمقعد الثاني

::::
عندك لعبه موجوده من صغرك إلى الآن ؟ وماهي ؟؟
والله كانت معي لعبه ما اتركها من
يدي وانام وهي معي جلست معي
من يوم كنت بالسنه الأولى من العمر
حتى سن 13 سنه بس ولد عمي
كل ماشافها معي في كل صيفيه يسأل
مامليتي منها اقول مستحيل
اخذها مني قال هاتيها اشوف وش
حبيتي فيها اخذها ومزق راسها ورمها
كان هو كبير يمكن بعمر 17سنه بس
لازلت اتذكر فعلته بلعبتي الحبيبه.
.نفسي اني ضربته بس كان كبير وانا
طفله..كنت احرص انها تبقى معي
حتى اموت احبها بالرغم ان معي اكثر
من دب بس هي اللعبه اللي حبيتها
::::
هـل كـنت/ي تـعانـ/ين مـن اخـطاء فـي مخـارج الحـروف .. (الوح=أروح) عثير= عصير ؟؟؟خبذ =خبز)؟؟

لا ابدا كنت فصيحه جدا يخبرني ابوي
عني يقول لما كنت بعمر سنه وخمسه
شهور كنتي ملسونه يقول جا في
يوم وجدني امسك شيلة امي
واسويها عليه غطوه وانا لسى
عمري صغير بالسنه وخمس شهور
قال فتحت من على وجهك الغطاء
قال قلتي عيب تبوس خد الحرمه
..تقمصت دور الكبار من ايام الصغر ..وبفصاحة الكبار
:::::

ما اكـثـر حلاوة كنـت/ي تحـبه/تحبينها ..؟؟
حلاوه توفي

::::

آكله تحبها كثير ...وآكله تكرها ..؟؟
اكله احبها المنسف ورق العنب اكلتي اليوميه..
اكرها لا اللهم لك الحمد فيه اكلات ما اكلها ..نهائي

::::

ما اسم اول مـدرس/ه درستك ..؟
المعلمه ايمان من فلسطين كانت رائعه

::::

لما احد يضربك في الشارع لمين كنت تشتكي..! والا تاخذ حقكـ بنفسكـ .. ؟؟
لا ماعمرنا جلسنا بشارع نهائي
ولالعبنا فيه باب البيت مانعديه
حضر نهائي من ابوي وامي نشوف
البنات بالشارع مع الشبابيك وكنا نحلم نلعب معاهم بس
مانطلع سجن مؤبد..

:::

كنت تنآم لحآلك ولاعند المآمآ ..؟؟
بعد ماكبرت ودخلت المدرسه بغرفتي الخاصه
وقبلها مع اخواني بغرفه وحده

:::::

اجمل موقف صار لك بطفولتك ..ومازال عالق في ذاكرتك؟؟
وانا بثاني ابتدائي كنت اروح المدرسه
مع بنات الجيران ولازم نقطع كمن
شارع وفي اثناء عودتنا تلقفوا علينا
اولاد وكنا مجموعه طبعا اطفال
صغار يرمونا بالحجر
كانت من ظمن البنات وحده
ملقوفه يعتمد عليها قالت تعالوا نأدبهم
قلنا مانبي قالت اقول والله انكم
خوافات طعناها وبدت المعركه
بين بنات الحي واولاد الحي الله
ياحن تصفقنا تصفق من جد توبنا
معاد نطيع الملقوفه لاهي اللي سوت
شي يجمل ولاحن سلمنا من الضرب

:::::

ايش الالعاب اللي كنت تلعبها بطفولتك وايش اكثر لعبه تحبها ؟ومع مين تحب تلعب اكثر شيء ؟؟
سكري ياورده فتحي ياورده والمشكله
اخواتي الصغار يلعبونها الحين
وانا اضحك عليهم اقول ماذبلت وردتكم كل
يوم فتحي ياورده سكري ياورده

كنت اللعبها مع البنات بالمدرسه ماكان
معي اخوات بصغري كنت وحيده وجو
اخواتي متأخر وكنت اطلب اخوي يلعبها
معي فكان يقول انا ولد وهذ لعبة بنات
الله على الرجوله من ايام الطفوله

:::::

أجمل مكان سافرت له وانت صغير وتتمنى ترجع له ثااني ؟؟
ابها من جد ررروعه ولازالت مناظرها تعانق الذاكره
اكيد أبها اتمنى زيارتها طوال العمر ماتمل...
:::::

هل مر عليك موقف بطفولتك خلاك تكره شخص معين واذكر الموقف ؟

لا ابد
:::::

كم مرة ضربت ..او كنت تنظرب كثير؟؟
مشاغباتي لاتكاد تذكر بمرحلة الطفوله ..
:::::

كيف مستواك الدراسي ممتاز ..ولا كسلان ..ولا نص ونص ..؟؟
لا الحمدلله جدا عالي وتفوق مستمر

::::

واخيراً ..ماهو الحلم البريء ..حلم طفولتك ..كنت تتمنى ان يتحقق..!
ما اعتقد فيه طفل كان اكثر مني بالاحلام
احلم كثير يمكن باليوم اقول اكثر
من حلم حتى ان امي قالت لاتحلمين
كثير احلمي حلم واحد واسعي لتحقيقه كنت اقول لا
..باكون سفيره الخارجيه السعوديه.
.هذا حلم كبير والعمر صغير ماتجاوزت 9سنوات

::::

كلمه اخيره تهديها لطفولتك..!!
شكرالك طفولتي اتمنى ارجع لك وان كنت ماعشتك كما كنت اتمنى

::::::

من العضضو الي تختآرهـ بعدكـ؟

العضو اللي ابيه بعدي كثير اعضاء
بس اختار اخوي الحر الغريب
شكرا لصاحبة الموضوع رجعتيني للوراء واستمتعت فيها