أحبك حب لو تدري يصيبك في هواي غرور=تقول الكون ذا ملكك وكل الناس خلانك
يمين الله يالغالي تبعتك بالغلا مسحور=أحسبك للعدالة رمز وأنت الغدر عنوانك
تبعتك حب تبعتك شوق تبعتك للغرام شعور=أشوفك بالسماء نجمة سهرت الليل من شانك
حبيبي يابعد راسي تلطف وأرحم المجبور=تعال أسقيك من نبع المحبة شهد حرمانك
تعال أشعل غرامي فيك نزور العالم المحذور=نسافر كفي بكفك نبعد عن سماء أوطانك
نبي نهرب عن الواقع نبحر بالخيال أبحور=تعيش الحلم بأحضاني وأعيشة في دفا أحضانك
زرعتك شوق في قلبي وسقيتك بالمحبة نور=وأثاري كثر تدليلي زرعني بارض بركانك
تعال ان كنت تهواني واذا ماجيتني معذور=ببدل وصلك بفرقا وانته عيش باحزانك
