[عــــــــذ آآآري]

تبي توسع صدور الاطفال واخطيت
ركبتهم في حوض وارد عراوي
تقول أجلس ياولد وحين دقيت
سلف القرمبع طامروا للحداوي
**************
ياناقل الأطفال في حوض ددسنك
فعلك خطا واهمال في كل الاحوال
التربيه من حقهم ترتجي منك
حتى ولدك ان طاح ماطاب لك فال
***************
ياراعي الموتر ترفق ع الهون
تراه ددسن والمسافه طويله
وبالك على الجهال حذرا يطيحون
النفس مافيها عوض أو بديله
***************
تمسكوا مكانكم ياوراعين
قدامنا طلعه نبي نسرع شوي
ومستقبل الايام نشري غمارتين
الله يزينها والازمه تعدي
***************
صوره تذكرني زمان لنا فات
يوم تتطامر بوسط حوض العراوي
نصفق ونرقص ونتغنى بالأبيات
عاش السواق اللي على البر ناوي

مفيد وبنفس الوقت فكااااهي .......عسى بس يارب يعجــبكم