حليمه
السلام عليكم ورحمة الله وبركاته
هاذا القصيده غزلية واتمنى ان تنال اعجابكم :
هبة هبوب الليل والسد باحي
واحيا بلاوي فالضماير قديمه
صاحي معى ربعي ولاني بصاحي
ماغير اجامل للوجيه الحشيمه
ياليت يمحا للجروح اي ماحي
وننسى همومٍ بالمحاني مقيمه
كله بسبة من يجدد جراحي
غرنوق جسمه بالعوافي سليمه
كنه بنور الشمس وقت الصباحي
وكنه بنور البدر وسط الضليمه
يا ما شربنا من عذوب القراحي
وياما ضمينا و المصايب حطيمه
اوصافها عندي بكل النواحي
وتشبه على زين الوصايف حليمه
وهبي بريحك يانسيم الرياحي
والله ماحصلت منها غنيمه
انا في وجهه راجي يطلق سراحي
تعبت من الكتم البلاوي الكتيمه
يالله يا المعبود تستر وشاحي
وتستر ذنوبٍ لي بيوم العليمه
وســــلامـــــتـــــكــــم :
ترى من جاب لك ودّى وهذي عـادة النقـال
يحاول يقتنص من فمك كلمـه لأجـل ينقلهـا
ومثل ماقال عندك راح عنك وعند غيرك قـال
وزوّد عشر فوق الكلمه اللـي كنـت قايلهـا
|
