12-13-2012, 04:00 AM
|
|
|
من يبني أحلامه على عاتق الغير --- مثل الذي يصحى على اخر نهاره
قبل اكتب أبياتي وأزور الجماهير --- شفت الخطيه من صحيح العباره
يا يبست ارياقي على شفة البير --- الموت تاره والأمل فيك تاره
وكثر الترقب والرجاء والتفاكير --- مثل الهشيم اللي يبيله شراره
الآدمي مايطلب المجد ويصير --- تحقيق حلمه من بداية قراره
ولا للقدم غير العنا والمشاوير --- على يمين الدرب ولا يساره
وكثر الصدف ماعودتني على خير --- وتهميش وقتي سبب اكبر خساره
واحلامي اللي سطّرت بالطباشير --- زاحت عن الوقت القديم الستاره
كنت اعشق الدنياء وانا توي صغير --- وكرهتها كره البدو للحظاره
وحامت بي سنيني مثل حومة الطير --- اللي فقد عشه وضيّع دياره
وخلتني اعرف وش ثمن عكسة السير --- وان الجهاله ماتسمى شطاره
ومن يبني أحلامه على عاتق الغير --- مثل الذي يصحى على اخر نهاره
ما غابت الشمس لاكن غابت البسمه --- واستسلم القلب لجروحه وطعناته
هذا هو الحظ ولا هذي القسمه --- ولا زماني تغير عن بداياته
عبدالله حمد
|
