بسم الله الرحمن الرحيم
السلام عليكم ورحمة الله وبركاته
لابد من عودة الاوفياء مهما طال بهم الغياب , اعتذر من الجميع عن الغياب الطويل وعدم تواجدي
في هذا المنتدى الرائع في فترة ليست بالقصيره لظروفي الخاصه جدا والتي وقفت حائلا دون كثير
من اهدافي ,,,,,,,, ولكن كالعاده اعود اليكم باهداء متواضع وقصيده متواضعه اتمنى ان تنال شي
من رضاكم ,,,,,,,,
ياحظ مالك في العطا كفوف وايدين=اقفيت مدري كبر والا نذاله
ان كنت متكبر على دمعة العين=ماني ضعيف دمعته راس ماله
الدمع طاح لحامي البيت والدين=ماطاح لإرضا الناس ذل وجهاله
وان كنت نذل وترتجي طرد مقفين=الغيم راح وماطردنا ظلاله
فإسمع كلام القلب من خاطرزين=قبلي وقبلك من قسى الوقت قاله
حتيش يالدنيا لو تزين وتشين=العمر ينقص والعباده كماله
فأنا أحمد الله ما لخلقه علي دين=الفضل للمعبود في كل حاله
دستوري القرآن اعلى الموازين=ماخاب ظن اللي هقى والتجاله
وكانك نويت تعود,,ماهو بذلحين= الغيم راح وماطردنا ظلاله
وسلامتكم,,,,,,,
