رد: رشيديات ( شعـر )
ما يذبحك غير الذي منك وفيك
...
..
.
تعبت امني واتمنى وامنيك
واكثرت من لوي وليتك ولوك
حلو امنياتي ذوب المر بأيديك
لا واهنوك قاتلي واهنوك
المرقب العالي زهاك بتعليك
هو ما تعلى غير يرقب علوك
ياللي غلايه لعبةٍ بين أياديك
توك على قتل المحبين توك
هذا شراعي يستغيث ب موانيك
وهذا خيالي ياخذه عشق دوك
هزيت رمحك يوم كبرت هقاويك
واطفيت في ليل المشاريه ضوك
ياهيه ياللي ب الوصايف نحليك
نوك بعيد ونرتجي قرب نوك
ما يذبحك غير الذي منك وفيك
والا عدوك تدري أنه عدوك
.
راكان المرشد
.
|
