05-12-2014, 02:10 AM
|
|
|
نشوة مشاعر
فيصل بن سبّيل الباهلي
----------------
نشوة مشاعر
.
.....
شف فرحتي يوم التفت لي ودادك
نشوة مشاعر في عيوني تحييك
اشوا تحرك من جمادك
كم لي المح باهتمامي اناديك
هربت مني واعذب الحرف فادك
إن رحت طيبي والشعر ما يخليك
جاهدت شاقي ، ضد نفسك جهادك
ارهقت حالك في جفاك وتماديك
تعتيمك لشوقك على الضيق قادك
الكبت في بعض المجالات ينهيك
ما ريحك صمتك ولا الصد فادك
أنا أتحدى كان غيري يسليك
الارض قربي واهتمامي بلادك
وحكي الغلا مني اهلك ومحبيك
لا تبتعد عنهم وتتبع عنادك
ترى الكبر يم الخساير يوديك
لو تنجرح ما غير قلبي ضمادك
وما فيه غيري بالخلايق يداويك
لا تمتطي بالكبر صهوة جوادك
ريح ضميرك جعل ربي يخليك
ما دمت انا شفك وغاية مرادك
وما شفت مني غير شي ٍ يداريك
وش حدك تراعي بكبرك عنادك
وانا بشوقي واهتمامي اناديك
..
...
..
.
Rule NO. 1 :
Rshed Is always right
Rule NO. 2 :
If Rshed Is wrong see Rule NO. 1
-
|
