ياسر الثبيتي
سلام الله سلام يصخر الشيبان للشبان
ولو ما نذّي الشيبان دور العلم مهجوره
ابذي شايب الثقفان وينه شايب الثقفان
وانا بيني وبيني كم شهر واجيه وازوره
-----------------------------
عبدالله السفياني
هلا يامرحبا ترحيب والمعنى على النيشان
وكم رامي يشوف ان الهدف واضح كما الصورة
على هون المسافر والمسافر يطوي الوديان
تلوفه من هقاوي الوقت والاوطان مدهورة
-----------------------------
ياسر الثبيتي
انا لي فكر يابعده وانا لي قلب من صوان
وانا لاشاوروني فالحمول اقول مقدوره
لقينا يابن جابر فوق راس معزبك تيجان
تزهل بالذهب وانفوسنا بالحيل مسروره
-----------------------------
عبدالله السفياني
رسمت الخارطة وثر الهدف ياصاحبي شقصان
وعاينت العجوز اللي من الاوضاع مقهوره
توجد بعد ماشفت النياشن تزهي السلطان
ولكنك غفلت ولا تناظر يم باكوره
-----------------------------
ياسر الثبيتي
تبا تاخذ وتعطي فالسوالف يا فصيح لسان
وذلحينه سيوف الحرب بالاقلام مسطوره
انا زوجت عيني قبل عشر سنين للميدان
وعينك عنست وتعاين التاريخ مغروره
-----------------------------
عبدالله السفياني
انا اظن الليالي السود ماتكشف لك البرهان
وكم من ليل مظلم مانشوف اسراج ديجوره
وجدت ام العروس الممسية ماتعرف العنوان
وضاعت في شعاف اجبال منهوبه ومقبوره
-----------------------------
ياسر الثبيتي
ترى ماقدمت يمناك في دنياك ياديّان
تسددها الليال المقبله تسديد فاتوره
الا يامخبل اللي كلفك لمهمة القبطان
لو انه يدري انك فالبلد سواق شرشوره
-----------------------------
عبدالله السفياني
اقدروزنة الميزان في زوده وفالنقصان
ومالاقدرالوزنة يبخسر حب بابوره
الا يابلشت المبصر ليا منه لقي العميان
يخلطون العلوم وتاليتها جات بالفوره
-----------------------------
ياسر الثبيتي
مصيبه يابرة الميزان لو منتي مع الميزان
مدام انك مع الميزان محشومه ومشكوره
تحضرا شاوي البدوان واثره بايع له ضان
شرا ماعون للزبده بعد ماكان قاروره
-----------------------------
عبدالله السفياني
تعلمت ابجد الحرف المغنى بعذب الالحان
وميزت العذوبه والمهارة فاول الدورة
يسود الناس صاحب فكر يكتسبه من الفهمان
وكلً باجتهاده يكسب الاولى على شوره
-----------------------------
