.
ياطير بي جرح من الوقت واعواق
عيت تداويه الليالي الطويله
ياطير والفتك من اعماق الاعماق
ومن خوتك سجيت من كل ميله
صخرت وقتي لك ومالي لك يساق
وكفي بما يرضيك ماهي بخيله
يمناي تسفك لك دم عروق الاعناق
ويسراي تحتك كل ليل ٍ ذليله
والى مرضت اسقيك من كل ترياق
والقى لك المعدوم والمستحيله
خاويتك وخليت دوجات والاسواق
وداويت نفسن من زمنها عليله
مثل الخليل ابادلك حب واشواق
وكني الى ما ادرجت فوق المليله
ون غبت عنك اجيك عجل ٍ ومشتاق
كني خليل ٍ مبطي من خليله
كني عطيتك بالوفى دوم ميثاق
وكنك خوي كفو مافيه حيله
اشرح بشوفك خاطري كل ماضاق
وصيدك جزال ومدتي لك جزيله
لانته بصياح ٍ ولانته بخفاق
ولك جورة في وقتنا ذا قليله
صافي ظهر كاشف نحر دقك ادقاق
وقحفك له ظلال وساقك جليله
محمد بن فطيس المري
.
| توقيع : سااهر |
|
