رد: گڷّ اڷـξـيۉن إڷڷي تڜُۉفُگ ! ڷيتہآ [ عينَيِ ●» (
ما قلت لي يالغلا وش حالها عيونك
ترقب طيوفي أو إن النوم غالبها
ما قلت لي إنته تحب ومن هو مظنونك
واللي تحبه, أحاسيسك يحس بها ؟؟
هذا سؤالك عسى الله يكون في عونك
ريّح حياتك وجنبها مصايبها
ما دمت سالي وتجهل من يحبونك
ترجم شعورك وهذي من غرايبها
ما بان فيك الغلا ولا هيض شجونك
ولا شفت عيني وكيف النوم حاربها
ترقص طيوفك وإنته عايش بكونك
وأنا على حسرتي وإنته سبايبها
أصبر القلب وأترياك وأصونك
وأعقد عزومي على باكر وأراقبها
وأقول يمكن تغيث وتمطر مزونك
والأرض تزهر وتتحقق مطالبها
شمس الأماني أخاف تغيب من دونك
تنسى المجرة ومشرقها ومغربها
والنور يصبح ظلام وتتعب عيونك
وأنا عيوني على شوفك أحاسبها
|
