الملتقى الجماهيري للشاعر محمد بن فطيس المري - عرض مشاركة واحدة - عْطيًتني قلبُ وبًخلت بَسُلـامڪ ! وشُ فايًدة حْبُڪ وأنـا مْنڪ مْحًرؤم ؟

الاوسمة · 05-25-2011, 06:21 PM

أنتي أكبر .. أنتي أكبر .. أنتي أكبر من كلامي
لو أسوّي من غرامي فيك معجم للمحبّه

نامي .. وخلّيني أتحرى مجيّـك في منامي
يا غذا نفسي .. ويا قلبي ويا جرحه , و طبــّـه

إتركيني أعشقك بسكات .. ياهمـّ إهتمامي
يا نهر .. مجراه في الأرض ومن الجنّه مصبـّه

فـ السفر فـ النوم فـ التفكير فـ البيت فـ دوامي
آتخيّـل وجهك الطاهر , وأقرّب له و أحبّه

حـبّـنا .. ما يجرح صيامك , ولا يجرح صيامي
حبّ كنّه .. آنا آسف .. حبـّنا ما ينتشبّه

إسرقي منّي شهيّة نفسي لحاجة طعامي
كلّ فتره .. زعـّليني , و إزعلي من غير سبـّـه

إصنعي في ضحكتي .. روح التمرّد في ميامي
وارسمي في داخلي .. شيبه .. لحاله .. في مشبّه

كوني أغمض .. من سبب صمتي و من سرّ إبتسامي
لكن .. أوضح من طفل يبكي على ضيعة لعبّـه

ألهميني شعر .. ما يستاذن الشعر النظامي
أغرفه من عينك الحورا .. و في إذنك أصـبّـه

أنتي .. وحده .. مالها ثاني .. مثل بصمة بهامي
تجمعين .. أحلى المناظر , والصفات المستحبّه

من غروري فيك .. ولاّ .. من غروري في غرامي
ودّي .. أحطب .. حبّ قيس اللي عبد ليلى وأشبّـه

أنتي أعظم من حجم حبي و من نعمة عضامي
لا وقف جسمي .. وأنا مشتاق .. و الوحده تهبّـه