فوق شرحا شرحته للاسف مافهمت
...........................ماخذ الوضع كله بالزعل والعناد
يوم ابرر غـيابي سـال دمـعك وقمت
.........................ولا هنالي رضاك ولا هنالك رقاد
تحسبني على فرقاك هذا سلمت
..........................شوف وألمس جروحي كلبوهن جداد
انت سلمتني لجور الزمن لا ندمت
.............................من تعابير وجهك ناويلي وكاد
لو يهين الغلا قدر الرجل كان شمت
..........................وش يبي يجني الفلاح غير الحصاد
خلك شوي متفهـم تراي انحـرمت
............................وشله نلبس الاشواق ثوب الحداد
ماكفاك الحزن واحساسك اللي كتمت
........................فوق هذا شف جفونك كساها السواد
فوق ساعه وانا اشوفك تنهت بصمت
..............................وانت مع كل تنهيده تحز الفؤاد
خلنا نصكر الموضوع وشفيك همت
..............................مالنا حيل في وجه الزمن والبعاد
وانت هالحين نام ولا صحينا وقمت
..............................مشـكلتنا يهـونها كفيل العباد
