يسولف لي عن الضيقة وانا كلي ألم واحزان
وانا من وين ما اناظر بعيني شفت ضيقاتي
يسولف لي عن الضيقة وانا عنوان للحرمان
دخيلك لا دخيل الجرح لا تكشف معاناتي
دخيلك لا تشجعني أسولف واكسر الكتمان
تعبت من السكوت اللي تعود يسكن بذاتي
عليم الله ما فيني شبر يضحك فرح واشجان
وانا لو جيت أبضحك لك أجيك أضحك بدمعاتي
حياتي شعر وشاعر وجمهوري بقايا انسان
ونقّادي زمن قاسي ولا يفهم كتاباتــــــــــــي
أناظر للبشر حولي أحد يضحك أحد طربان
وأنا صعب علي أضحك أسايرهم بضحكاتي
عجزت أكذب على نفسي بفرحة مابها ألوان
وحزني ما عجز عني بدا يرسم نهاياتـــــــــي
طريقي صعب وجروحي كثيره وداخلي ضميان
أبي لو يوم واحد أحاول أجمع شتاتـــــــــي
أنا قصة تبعثرت وتطايرت بزمن خوّان
تعلمت أخسر البسمة واداري عضة شفاتي
أبكتب لك وبالخط العريض وريشة الفنّان
أنا الخسران توقيعي وانا الخسران بصماتي
اكمل لك عن الضيقة .. اكمل لك عن الأحزان
تأكد لو بكمل لك تصيح وتطلب سكاتــــــــي
مما راق لى،،،
تعف نفسي عن الحزن الما
وبقلبي اكتم احزاني
وماتمنيت البكا يوما
ولكن هم الزماني ابكاني
تمنيت ان اعيش كما تريد نفسي
ولكن عاشت نفسي كما يريد زماني
ليت الظـروف اللـي ظلمتنــي بفرقـاك تنصفنــي بشوفـة
عيونــك ثوانــي
