الملتقى الجماهيري للشاعر محمد بن فطيس المري - عرض مشاركة واحدة - شحنه بنات البدو غير ! .. وحبهم عوق الكبود !!

الاوسمة · 07-05-2011, 10:18 AM

اقتباس

المشاركة الأصلية كتبت بواسطة سمـ المراجل ـو

شحنه بنات البدو غير ! .. وحبهم عوق الكبود !!
جمرة ( غضى ) تدّفي ؟ .. ولكن يحترق من داسها ,

لاحسّت انك تحبها ؟ .. أعطتك الحب ( بلا حدود ) !
ولا حسّت إنك ( تهينها ) ؟ " ذقت الـ عنا من كاسها " ,

من ( الهداوه ) .. تشعر ان فيها من الثقل البرود !!
ومن ( الحراره ) ؟ .. لا تحاكت " تحرقك بـ أنفاسها "

ضحكاتها دقّة وتر / همساتها ( نفخه ورود ) !!
عيونها ( قصر الغلا ) ,, ورموشها ( حرّاسها ) !

فيها .. لطافه ( أهل جنيف ) ! ورقّه اهل جويل رود !
وفيها .. شموخ الترك فالحرب .. ( وسماع أجراسها ) ,

إليا ( تحاكت ) من دلع ؟ يخضر فيها كل عود !
وإليا تحاكت من ( غضب ) ؟ تقول يا غطراسها ,

وإليا أقبلت / تمشي .. غدا فيها عن الباقين زود !
وإليا أدبرت / تشوي معاليقي .. على محماسها !!

( الموت ) والله ماهو .. الموت المسمّى يا حمود !
الموت والله .. كل ما أناظر / ( دقاق إلعاسها ) ,

دلوعةٍ ( تلبس البرقع ) .. ويزهى بـ الخدود !
يضيق فيها .. من ترفها .. جسمها و لباسها ,

فديت ( غيرتها ) و ( نظرتها ) ولفتات الصدود !
وفديت ( بحّه صوتها ) من ذوقها لـ احساسها ,

ألطف من الحمل الوديع / وأشرس من أقوى الأسود !
تضيع فيها .. وفي معالم طيبها في باسـها !

معرّبه عم و خوال وساس من ساس ( الجدود ) !
إللي فعول ( رمحها ) .. يكسر صليب أقواسها ,

( ياحبّني ) للي حلاها .. ما يعيّن فِ الوجود !
( محارةٍ ) في بحرها .. تصعب على غطّاسها ,

( فَ ) إليا بغيت تحبّ ؟ حب من أجمل الغيد ( غيد ٍ مفنود ) ,

إلي ماهو .. كل أبــلــجٍ .. يقدر ( يوّطي ) راسها !!

وأنني أشهد يا خوي سمو المراجل فعلا انها

صفات الرعابيـــــــــب الخود
الأصايل المعربات الجـــــدود
الحشــــــــيمات عن كل منقود

أخي الكريم أبيات رائعة أعجبتني من مبداها لمنتهاها وأقتبستها كلها

فشكرا لك ولإنتقائك الرائع والجميل وأبيات جزلة وجميلة جدا بفحواها

ولها مني التقييم الكامل يا خوي الراقي ..

في الختام تقبل مروري بحضوري أختك في الله حروف من نور ..