روح الشعر

[ناصر الشريف]

[poem=font="simplified arabic,6,blue,bold,italic" bkcolor="transparent" bkimage="" border="solid,4,gray" type=1 line=1 align=center use=sp num="0,black""]
سوقي علي يا ذكرياتي حاجه=ما دامت انفاس الحشا لجاجه

سوقي علي من بدع راسي فكره=تشبه تقلاب البحر وامواجه

لن الكلام ان زان زان المعنا=وان شان شانت روحه الوهاجه

روح الشعر مزنه وقافه راعد=وابياته الزينه علي ثجاجه

من فيضها تسقي الخفوق وتسقي=شخص جفاه اهله لكثر ازعاجه

يقطع على اهل الشور لا جا شوره=وينور ابصار العرب عراجه

الكايده ياقف لها ويغني=ويفل فالامر الشديد حجاجه

يطلب ولا يطلب سوا مد الله=اللي رفع سمك السما وابراجه

سبحانه المعبود جلا شانه=ما ينفرج مبدا سوا بافراجه

وانا هنا شاعر طليق محنك=اردي هوا الشامت واكون علاجه

احبط هواه ان جا يبا ينقدني=وتعالج ابياتي عظيم خلاجه

نفسه على ما فيه صوبي شينه=لكن تعابيري تزيد احراجه

نور القمر شاهر على اهل الدنيا=والشعر بسمي شاهرٍ منهاجه

ما جيت اراضي الناس والا اجامل=بل جيت اخلي الناس لي منعاجه

صح الله لسانك غدت مقيوله=للي برز واللي كثر خماجه

نبغى كلام يسوسه اهل الخبره=كثر الحكي ما فاد في دراجه

احد يبا يركب بظهر السابق=واحدٍ يبا يركب على دراجه

وانا ركبت الريح لني مقلع=لا مر زولي ثار فيه اعجاجه

الكل يدري بان ناصر شرف=قبل انه يشرف على مخراجه

والصوره اللي فالخيال انسجها=تصعب على الرسام والنساجه

حد صور الشمس بيمينه خاتم=قبلي وهل حاف القمر بسياجه

ما عاد ابا اعبر عن اخر فكره=ما غير حاجه جات تظهر حاجه
[/poem]

 

 

 

 

 

 

 

 

[سـ ع ـد الأسمري]

آشهد إنك مطنوخ يا نآصر
وشرفت الشعر وآزانه وقيفانه ..

صح لسآنك حسب كلامك صآرت دآرجه ..
ولا فيه شي جديد نقوله في حق هالنص الشآمخ ..

إعتليت الشعر يا نآصر بيض الله وجهكـ

ما بقول صح لسآنك ..
بقول { لآفظ فوك }

تحيتي وتقديري

[سعيد محمد القحطاني]

ناصر الشريف صح لسانك يبو حسين الحقيقه
انت بحرٍ عايم ولك منهج لك لحالك وهذا مايميز
قوافيك المثقله بالجزاله والحكمه والاعتزاز بالذات
واقول كفو يبو حسين والله يوفقك اخي ناصر اعذرني
على التعبير الذي لايوفي نصوصك حقها وتقبل
خالص شكري واتقديري ولاهنت

[فهد ثامر البقمي]

كفو يا ناصر والله يعطيك العافيه

صح السانك ولا هنت

[رائد العصيمي]

النص جميل جدآ

ودايم نصوصك يابو حسين فيها كمية فخر غير طبيعي وهذا من حقك

انا اشوف المعنى الرئيسي المقصود لم يظهر الا بالثلث الاخير في القصيدة

وهذا مايعيب قصيدك ابدآ اشوفه شي مميز

لاهنت يابو حسين وصح لسانك مليون

[أمير الشريف]

صح الله لسانك غدت مقيوله .. للي برز واللي كثر خماجه

صدقت ياناصر .. انت شاعر علم ونصوصك الدليل الثابت .. تقبل مروري البسيط يابو حسين ..

[شنق ونق]

الاخ ناصر لا اعلم ما اقول امام هذا الابداع

ولكن اكتفي باخراج هذا الابداع من بين الركام ليطلع عليه من اراد الابداع

[ترانيم المطر]

كفووووووووووووووووووو يا ناصر
أنشهد ما تكفي صح لسانك
تقبل تحيتي وتقييمي للإبداااااااااه وأهله
ترانيم المطر