ان بغاك ابليس ترجع لي تراني منك حالف

[محمد الشريف]

ياحبيبي ويش باقي ماخذيته ياحبيبي
لين صارت هيبتي وحميّتي تحت السوالف

طر جيبي منك بعد البعد منك طر جيبي
طحت في عين الجهيل وطحت في عين العوارف

والله اني مابغيت الا انت لاطرّو نصيبي
بس خلك تعرف اش قدر الوفاء عند الموالف

تدري اني وافي وصادق وفي الحاجه قريبي
طبع ابوي وطبع جدي في دمي ممشاه سالف

البطا بيحاسبك وانا قد فراقك حسيبي
والله انك ماتعين مثل شخصي وانت عارف

ياسقى الله يوم ماكاني بعيد ولا غريبي
يوم ضحكة مبسمك في قولة اينك صار طارف

رح رعاك الله مالك بي وانا معاد ليبي
بس لاترجع ترا يومين ويجي القلب جالف

والله انك ماتعين لاعلاج ولاطبيبي
لا لقيت اهل المشاعر قد مشاعرهم حراشف

بتذكر كل ماقلته لك انا ياحبيبي
وان بلاك ابليس ترجع لي تراني منك حالف

 

 

 

 

 

 

 

 

[موسى ابومشهور]

الشاعرالرائع محمد الشريف صح لسانك على العذوبه والجمال

[خالد العبيريد]

محمد الشريف حيااك الله ,,


صح الله لساانك وصح كلك ولاهنت لاتعليق ,,

لك خالص شكري وكل تقديري .

[سعيد محمد القحطاني]

محمد الشريف صح لسانك اخوي شاعر
ماعليك كلام ابيات جزله من شاعر جزل
تحياتي وصادق ودي ولاهنت

[عامر صالح ال شنيف]

اعتذر على التأخير بالرد
صح لسانك ولا عدمنا بوحك
ولا هنت يا الغالي

[جـــود ,]

صح لسانك يامحمد
ابيات رائعه ومعاني جميله
يعطيك الف عافيه ،

[ضامي الشوق]

صح لسانك

نص رووعه

يعطيك العافيه

[ترانيم المطر]

لا هنت لا هنت
قصيده رائعه بروعة شاعرها تحيتي وتقديري
ترانيم

[فهد الهباش]

صح لسانك ايها القدير
امتعتنا بهذا النص

بارك الله فيك
ولا فض فوك شاعرنا محمد الشريف،
فهد،

[عمهوجه]

شاعر جميل صح لسانك اخوي
تشكررراتي