النعم كايد يا رفيقي وانت قلي وش بذرت

النعم كايد يا رفيقي وانت قلي وش بذرت

السلام عليكم ورحمة الله وبركاته

اسعد الله ايامكم بكل خير ومحبه يشرفني انا انضم لهالصرح الشامخ ملتقى الشاعر الكبير محمد المري
وعسى الله يجملني معكم

اول مصافحه عسى ان تنال على اعجابكم جميع (نصي وصوتي)

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

النعم كايد يا رفيقي وانت قلي وش بذرت=المرجله والخلق والسمعه وما عندك جبه
وان قلت انا بذرت مال اقول لك والله خسرت=من لا كسب عرف الرجال اقول ضايع مكسبه
هدمت بالدنيا بيوت وعشت فالدنيا وعمرت=ابراج طاحت والرخوم ابراجها متذبذبه
وكان المراجل تنحكم باشكال لا منك ظهرت=فسلّم على مهند وعدّه عالين في منصبه
شفني على كثر الهموم اسست لي جسر وقدرت=انزع ثياب الغطرسه والبس ثيابن طيبه
شامخ ولي هيبه ولا ضاقت علي الا صبرت=الشايب ارجّع شبابه والوليد اشيّبه
ولا تهت في عصر التفتح يا رفيقي ولا سهرت=اخذت من مبدا التفتح ديني اعلى مرتبه
من مولدي ما اذكر كذبت وخنت فاصحابي وغدرت=انحت حروفي من صخر والبحر اعومه واشربه
واليا صغرت فعين راعي الناقصه قله كبرت=نهجت منهاج الجدود واخذت منهم تجربه
من لاد زايد وافتهم قولي الى مني ذكرت=ارد على عد الروى والما الهماج اجنبه

الشاعر/مبارك بن محمد ال فرحان الودعاني الدوسري

المصدر: الملتقى الجماهيري للشاعر محمد بن فطيس المري