قصة العتيبي والعنزي عام 1400هـ بالنعيريه

[روابي]

هاكم هالسالفة وهي قديمه شوي وتدل على شيم العرب وطيبهم للي يعرفونه واللي مايعرفونه .....

في عام 1400هـ تقريبا حدثت هذه القصة

سافر نايف اللعاق العنزي من عرعر الى المنطقة الشرقية بسيارته الخاصة وفي اثناء مروره بقرية

النعيرية بالليل حوالي الساعة 11 سالك الطريق العام وفجأة يخرج من أمامه قطيع من الاغنام

السائبة فدهس أكثر من أربعين من الغنم قبل ما يوقف سيراته فأوقف السيارة على جانب الطريق

واذا براعي الاغنام يحضر وينهال على صاحب السيارة بالسب والشتائم ، وحضروا رجال المرور

فقبضوا على السائق لغرض ادخاله التوقيف لين يجي الصبح وينظر في القضية بالمركز ، واذا بذاك

الوقت برجل يتوسل مسئول الدورية ويعرض كفالته لهذا المسافر سواء كان حضوريا أو ماديا

ومهما طلب الراعي كان مستعد ، فقبل مسؤول الدورية كفالته وأطلق سراح نايف العنزي ، ونايف

مايعرف من هو هذا الرجل الذي تدخل بموضوعه وعمل خيرا معه ، واذا بهذا الرجل فاعل الخير يقول

له سافر يا عنزي في طريقك والى اي جهة تري\ ، وسوف أدفع كل ما يترتب عليك ، فقال

العنزي للرجل فاعل الخير وكيف تتكفل بكل شيء وانت ماتعرفني ، فرد عليه فاعل الخير

مايهمني ، وانما يهمني احياء عادات العرب الطيبة ، فقال العنزي : أسألك بالله من تكون انت ؟

فقال الرجل لاحاجة لك بمعرفتي يا عنزي وطلب منه نايف بالحاح وش اسمه فقال له :

اسمي / عبدالله بن ابراهيم العتيبي من سكان قرية النعيرية وتشكر منه نايف وواصل سفره ..

وبعد مرور خمس ايام عاد العنزي لكفيله العتيبي وأنهى دعواه مع خصمه صاحب الاغنام ، وبهذه


المناسبة قال الشاعر / طايف اللعاق العنزي شقيق نايف قصيدة وفاء واعتراف منه للرجل العتيبي

اللي سوى الجميل بدون سابق معرفه ، فينشد العنزي :







اكتب جوابي للقيـل يـوم فصلـت
بفعل العتيبي وأشهر الفعل بالقيل
وأذكر لك اسمه يوم قتـل وتمثلـت
لك اسمه وأرفع الصوت بالحيل
عبدالله ابراهيـم ونعـم بمـا قلـت
اليـا عديـت فعـل الرجاجيـل
عـز الله انـك يالعتيبـي تجملـت
جمالة تذكر لجيـل وراء جيـل
لموضوع ابن لعاق شلت وتحملـت
مثل البليهي يرتكي لا أثقل الشيل
أنت الذي عنـه الصعيبـات ذللـت
ذللت صعبات المهمـات تذليـل
جيت وكلفتـه ماتفطنـت أو قلـت
ما قلت ما أعرفه ولا لي مداخيل
وأنـت الـذي للطيبـة ماتجاهلـت
فعلتها يابـن الكـرام المشاكيـل
وكم قبلها من طيب الفعل حصلـت
يوم الردى منها قليل المحاصيـل
وأنت الذي في صفحة المجد سجلت
قصة شهامة يا بعيـد المناويـل
يا اللي علينـا بالجمالـة تفضلـت
ترفع لك البيضاء بروس الشهاليل
نرفع لك البيضاء اليا أقفيت واقبلت
عد النهار وعد مـاروح الليـل




:::وسلامتكم ::::

 

 

 

 

 

 

 

 

توقيع : روابي

[تذكار الغلا]

يعطيــك العافيــه
سلمـــت يدآك
ولاننحــرم من فيض إبــدآعك
دمت بود

[برق السحاب]

تسسلمين على النقل النادر

وصح لسان العنزي والله راح زمن الطيبين لكن الله يطرح البركه في اصحاب هالوقت

تحيتي ..

[روابي]

:::تذكار الغلا وبرق السحاب :::
::تسلمووون واشكركم على المرور ::::