صحيح عاطل ..!! معاااناه

[فارس الجهيمان]

أرقى التحايا لكم

وطابت أوقاتكم أبيات عن معاناة كل عاطل عن العمل

اتمنى ان ترتقي لذائقتكم ..



صحيح عاطل ..


[poem=font="simplified arabic,5,red,bold,normal" bkcolor="white" bkimage="" border="double,5,red" type=1 line=0 align=center use=ex num="0,black""] واحالي اللي ماغير يزيدني حسره=واحالي اللي اندفن مابيني وبيني
افتح له أبوابه العوجا وأنا مكره=لو كان أحس الطّعون القاسيه فيني
مليت من حالتي وامّل على بكره=ومليت من وظعي اللي صار يرثيني
صحيح عاطل لكن الحلم وش كبره=يكبر وكنّه يسابقني على سنيني
وآحلمي اللي مخليني على جمره=جمرة غظى كنّها مابين يديني
أحلم وأصارع سهوم الغدر من غدره=أثر الزمن غادر(ن) فيني يعاديني
ياسعود وش حيلتي بحظوظ منثبره=وياخوك انا الجرح ثاويني وباليني
وشلون ابـا أصبر وانا صبري نفذ صبره=على سنين(ن) .. تعاندني وتشقيني
كسر المجاديف ياخي مالها جبره=وانا كسرني مناظر عاشته عيني
غمّضت أعيش الشباب اللي طنخ عمره=وفتّحت أشوف البطاله هم ماليني
انا اللذي من حياته جاني(ن) فقره=وانا اللي حرمان وقتي غير يجنيني
أشفق على حالتي وتخنقني العبره=وادعي عسى الرب يعوضني ويشفيني
يارب ماغيرك ارجي وراظي(ن) بامره=من عز خيرك ومن فظلك وتغنيني
عن حالة(ن) عشتها عاطل ومستتره=بالجرح والهم والتحطيم بسنيني
يارب طالبك رحمه لحالي ونصره=من ضيم مركوز في جوفي وذاويني
عبدك إلهي يغوص بموية(ن) عكره=ماغيرك أنته تساعدني وتنجيني
خطيت في دفتري واصل القلم حبره=مشاعر(ن) نزفها بشعر(ن) يواسيني[/poem]

وسلامتكم ..

 

 

 

 

 

 

 

 

توقيع : فارس الجهيمان

الشوق يسبق نظرتي لمنياتي .. لوّه يشاف إن كان عدّى الشواهيق والشوق لهفه ياحياتي لحياتي .. لاصرت جنبي واللقى شبه توفيق .. أتشرف بمتابعتكم بتويترalharbi085@

---

التعديل الأخير تم بواسطة خالد العبيريد ; 09-27-2012 الساعة 02:00 AM

[هوى الغربي]

الله عليك يافارس صح لسانك مدد يالجزل

ابيات قمه وابداع

تحياتي لك والله يرزقك بالوظيفه الصالحه

[خالد العبيريد]

هلا ومرحبا يافارس حياك الله يالقرم ,,

سلمت ودمت وصح الله لساانك وصح كلك ولاهنت يالجزل والله يرزقك بالوظيفه الي فيها خير عاجلا ً غير أجل ,,

تقديري وخالص تحياتي لك ياغالي وأنتظر المزيد من هالقصيد الجزل .

[عبدالرحمن العيفان]

فارس الجهيمان ..

كان الله في عون الجميع ,
صح الله لسانك ,
لسان حال أو لسان مجتمع .
كل التقدير ل سموك .

[انفاس الرحيل]

اسال الله العلي القدير

ان يرزقك من واسع فضله


بنصحك نصيحه لك ولكل شخص


نصيحه من قلب اخت لك


عليك بالصدقه

فوالله ان لها تاثير عجيب

صبر قليل فالفرج قادم بأذن الله

وصح لسانك ع القصيده

اختك انفاس الرحييييل

[كان]

صديقي فارس.
كان يقول لك شكرا ً.!
على تلك المشاعر التي.
تتسلق أفق الابداع وان شاء ربي.
منحك الوظيفه التي تسعى لها أمتناني لك.صديقي.

[عبدالله سعود المتعب]

اررررررررحب يافارس قصيده اجتماعيه

مؤلمه لاهنت يالجززل ولافض فووووووك

ماني قايل صح لسانك بقول لله درك وصح كلك وفكرك وقلمك المميززززز

مبدع وجززل

[سمو القاف]

لله درك لله درك لافض فوك هكذا الشعر ولا فلا

[سحابة الطائف]

غمّضت أعيش الشباب اللي طنخ عمره ,,,,,,وفتّحـت أشـوف البطـالـه هــم ماليـنـي
هم أغلب الشباب قصيده ملامسه للوجدان تحكي حال الشباب والبطاله
صح لسانك وسلمت أبيات محبوكه معنى ومبنى

[فرح الشهري]

عبـدك إلهـي يغـوص بمويـة(ن) عـكـر = همـاغـيـرك أنـتــه تسـاعـدنـي وتنـجـيـنـي

صح لسانكـ فارس روعه الله لايهينكـ ابيات جزله ومميزه. ودي تقيمي