قصةالشايب والبنت المزيونه

[بنت الروقه]

قصة الشايب الهواوي والبنت لا تفوتكم!!!


بدايه القصه عن شايب اسمه حمدان وهواوي ( قلبـه خضـر )

مـا يشـوف بنـت الا ينفتـن ومشهـور بانـه حبيـب ومايخلـي بنـت فـي حالهـاا الا يتغـزل فيهـااا

فيـه بنـت ملكعـه وصاحبـة مقالـب قالـت فـي نفسهـا انـا ليـه مـا اروح للشايـب وامـزح معـه

واضحكـه شـوي واشــوف ردة فعـلـه كـيـف تـكـون

راحــــت لــــه وردت عـلـيــه الــســلام كــيــف حــالــك يــــا شــايـــب رد الــســـلام والله بـخــيــر ا

لله يـعـافـيــك

وفـــــجـــــأه عـــطـــتــــه ظـــهــــرهــــا ومـــــشــــــت ولا اســـتــــإذانــــت ولا شـــــــــــي

ولع الشايب من حركتها..

قال فيها كم بيت يستعطفها فيها ويقول انها ذكرته الماضي و اذا ما عطيتيني وجه لحقت باخوي

حمود اللي في قبره ويذكر التاريخ واليوم اللي قابلها فيه

يـــــقــول الـــشــايــب :

يــا بـنــت خــوذي خــاطـري وارحـمـيـنـي
......................................... لا تـجرحـيـن الـعـود بـعـيـونـك الــسود
غــضـي نــظـرك وغــطـي الوجـنـتـيـنـي
.........................................لـعـل يـــومٍ جـدد الــجـرح مــا يــعـود
يـوم انـتـهـى مـع مرمـسات السـنـيـنـي
........................................جـتـنـي صواديـفه على غير مـقـصود
بـــاول شـهـر عـشـره نـهار الثـنـيـنـي
.......................................حـمدان مـروا به على جـنازة حـمـود


البنت كانت تقصد من استفزازه انها تجاريه في الشعر وترد عليه والمسكين

ماكان يدري انها شاعره وعلى باله ما خذ راحته في التغزل

ردت عليه وهزأته تقول

يا شايب الرحمن وينـك ووينـي..... عزي لحالك قدمك الباب مسـدود

قلبك عطوف وجاه قلـبٍ متينـي........ والبنت ما تشفق على مغازل العود

حبل الرجا مقطوع بينـك وبينـي......مثل الغليث اللي رعا قلبه الـدود

اقفى شبابـك والعـرب مقبلينـي.......يا عود ما يرجع من العمر مفقود


حطمته يوم قالت له انك عود وان الشباب ما يرجع وان ما فيه امل تعطيه وجه حس العود انه تورط وقال كم بيت يقول لها صدي عني انه ما يبي الغزل بعد ما وصل عمره ثمانين سنه


يقول حمدان :

يا بنت صـدي بالعيـون الظليلـه......لا صد عنـك الله نهـار القيامـه

مالي ومالك يالفـروع الطويلـه.......لو فيك من رسم البـداوه علامـه

يابنت مـا لـي بالثمانيـن حيلـه........اهدف كما تهدف على البير قامـه

اقفى شبابي والدهر شفـت ميلـه......يالله حسـن الخاتمـه والسلامـه

اعطيك موجز والبضاعـه قليلـه.......واخذت لك من صافي الماء سنامه



بعد فتره مرته مره ثانيه وردت عليه السلام واستفزته وراحت وخلته ولع الشايب

وقال ليه ما ابين لها في كم بيت انها بتشيب مثلي واني رجال طيب وان الناس

تنصاني ومعروف بالكرم واني ما ابي منها غير التحيه والترحيب


يقول حمدان

يا بنت ما جاس الكبـر والخشونـه...... وعادت شباب اليوم يجفل من الشيب

ياسرع ما وبلـك تمـزع مزونـه.........يالفاتنـه يـا ام الثمـان الرعابيـب

يا بنت مـا بينـي وبينـك مهونـه.......كلمة شرف نبي تحيـه وترحيـب

الله مـن عـودٍ ثقيـلـه طنـونـه........ينصاه راع المشكلـه والمواجيـب

على الكرم والديـن نفسـه حنونـه......تلقاه بالاجـواد شـرق وتغاريـب



جهز الابيات وارسلها مع عجوز ووعد العجوز بهديه اذا وصلت الرساله لها

راحت العجوز وعطت البنت الابيات شافتها البنت وقفلت على العجوز في غرفه وقالت مثل ما جيتي بابياته ترجعني بابياتي

العجوز مسكينه قالت طلعيني ولا ابي منكم شي الله لا يعودكم انتم واوراقكم


ردت البنت ابيات اقوى من الاولى واكثر تحطيم مسكين الشايب ما احد رحمه

حتى لو حاول يستعطف

تقول البنت :


العود عود وطايحـاتٍ سنونـه.....من كثر ما يرقد على جرة الذيب

عودٍ مهرقل والعرب ما يبونـه.......ياعود ما لك في طويل المراقيب

اقفى شباب العود راحت حتونه.....مثل اليتيم اللي بكا ما له مجيب

جداه ينثر دمعـة ٍ مـن عيونـه.......غريق موجٍ ما لقا له مقاضيـب


هذي قصة الشايب والبنت وسلامتكم وعسى اعجبتكم

 

 

 

 

 

 

 

 

توقيع : بنت الروقه

اهْرَبّ مَنْ الّذَكرَىٰ وَاعَوّد إلَيهآ ......................كَلّ الّدرَوْبّ لْذّكرايآتَكّ تّؤدْيٰ آخَافّ لاَفّقَدْهَآ وآخآفّ آنْتَهِيهَآ ..................آعَيِشّ وَالّذكْرىٰ صرَآع وتَحّديٰ

[رائد العصيمي]

هههههههههههههههههههههههه

اهبي ي هالبنت جننت الشايب

مشكورة استمتعت كثير فيها والله

[عذبة الاحسآس]

هههههه والله انها خطيره هذي البنت ..
وحليله الشايب لو كان يدري انها شآعره والله ما تغزّل فيهـآ ههههه ..
بس كآنت محآوره حلوه بينهم الصراحه إبدآع ..



تسلمين الغآليه ع الطرح الرائع ..
يعطيج العآفيه فديتج ..

[عيون المها]

ههه

يعطيها العافيه والله عجبتني حركة البنت للشايب

بنت الروقة

دمتي بسعادة

[حلم~]

ربــي يع‘ــآأفيــكـ ع ج‘ـهدكـ
ماننح‘ـرم من رو و و ع‘ــة ج‘ـديدكـ

●●
دمت/ـي ودآم إبــدآع‘ــك

[بنت الروقه]

آسٍسسعدني توآإجــــــــــدكـــم.. وردودكم الرآإ‘قييييه ..

[الماسـه]

ههههههههههههههههههههه
تسلمي قلبي قصه حلووووهـ
وكمان تضحك بنفس الوقت
مرررره مرررهـ حلووووه

[فهد الهباش]

والله وكل قصصك رائعة يابنت الروقة
تشوقني مثل هل القصص والمساجلات
ما عاد الا بكتب بيتين واجاااريهم
يسعد قلبك وماننحرم من الجديد،،
سجليني متااابع،،،

[اخت نايف]

كالعاده ابن آدم مهما ربح خسران امام حواااااااااااااء ...>> حقيقه مثبته عمليا والقصه خير برهان هههههه
واصلي و يعطيك الف عافيه

تشكراااااتي

[جـآبر اليآمي]

والله قووويه هالبنيه ههههههه
والشـآيب بعد مسكين حطمته على اخر عمره ماخلته يتهني بآخر آيآمه

يعطيك الف عآفيه
ودي