( طرد المقفي يرد الرأس من قدره )

[ثورة الزير]

مساء المحبة

شاركوني هذة المتواضعة

[poem=font="simplified arabic,5,black,normal,normal" bkcolor="silver" bkimage="" border="double,4,gray" type=2 line=1 align=center use=ex num="0,black""]
دريت ماعاد لحروف الغلا باقي=عندك ولا عاد لي في خافقك ذره
حسيت بالجوف من فرقاك حراقي=والصدر ضايق وحلقي غص بالعبره
مدري كتبني الألم أو خط بأعماقي=(طرد المقفي يرد الرأس من قَدره)
زرعي ذبل والسواقي كفها الساقي=خسارتي فادحة والله قضى بأمره
موت المحبة طيوفه زارت أحداقي=كسرت قلبي وغيرك ماقدر جبره
ياعالم الضيم جيتك وقع أوراقي=فيك التحقت وشعوري يتعبك سبره
نعم وحيدة ولا لي بالبشر واقي=من جور ظلمك وظلم أيامك الغبره
عمري قضيته وأنا أمشي درب سراقي=اللي سلبني خفوقي من سهم نظره
خضعت له يازماني وأحكم أوثاقي=وأرهى على القلب من نار الجفا جمره
البارحة لاح لي باليآس براقي=أمطر نيازك وصرم قاعي الخضره
كنت أحسب الحب يتبع نهج ميثاقي=أثره سراب وضمت له سالف العشره
يامحمل الهجر لحظة قبل الأغراقي=قبل الحكم تصدره مختوم بالنشره
أب أسألك كيف أداري طاغي أشواقي؟=كيف أحكم الدمع لاقبل طيفه وذكره؟
كيف أقبل البعد عنه وحكم الأفراقي؟=وشلون أفارق وروحي خاضعة لأمره؟
ياموت أقبل مراحب أقبض أرماقي=روحي فنت والجسد قم حطه بقبره
أكتب على النصب (وحدِه) كان خفاقي=الله يبيحه ويرفع بالبشر قدره


[/poem]دمتم بخير

أختكم
ثورة الزير

 

 

 

 

 

 

 

 

توقيع : ثورة الزير

[flash=http://www.7ozn.com/files53/15_06_2012_a47013397222781.swf]WIDTH=503 HEIGHT=253[/flash]

[انفاس الرحيل]

صح لسانك قصيده رائعه

[فزاع المرشدي]

ابدااااااع في ابدااااااااع

صح لسانك ياثورة الزير

قصيده جميله جداً

[سعيد محمد القحطاني]

ثورة الزير ياسلام عليك مبدعه عزالله ماشالله عليك
قصيده ذات معاني ومفردات جزله تقبلي تحيان وتقدير وتقييم اخوك سعيد
ولاهنتي علي هلابداخ

[عامر صالح ال شنيف]

ثورة الزير
يحيك ربي ولا هنتي
وصح الله السانك وعتلاشانك جزاله في الحرف والبناء والتصوير والتوظيف
نص رااقي وحضووور راااقي لا يليق إلا بثورة الزير
تقبلي مروري المتواااضع
وارقى تقييييييييييييم

[فهد الهباش]

يامحمـل الهجـر لحظـة قبـل الأغـراقـيقبـل الحـكـم تـصـدره مخـتـوم بالنـشـره
أب أسألك كيف أداري طاغي أشواقي؟كيف أحكم الدمـع لاقبـل طيفـه وذكـره؟
كيف أقبل البعـد عنـه وحكـم الأفراقـي؟وشلون أفارق وروحي خاضعة لأمره؟
يامـوت أقبـل مراحـب أقـبـض أرمـاقـيروحـي فنـت والجسـد قـم حـطـه بقـبـره
أكتب على النصب (وحدِه) كـان خفاقـيالله يـبـيـحـه ويــرفــع بـالـبـشـر قــــدره



ما شاء الله ، ما شاء الله
راقيه يا ثورة الزير!
وقصآئدكـ قمة الفخآمه..

من أجمل مآ قرأت في هذا المنتدى...
تقديري وإعجابي وتقييمي++

[محمد بن عبدالهادي المري]

صح الله لسانش ثورة الزير


قصيده فاخره كسابقاتها من القصاايد الجزله والكبيره والقويه


الله يعطيش الف عافيه استمتعت جدا بما قرأت وبانتظاار القاادم



بحفظ الله

[قـاصد كـريم]

صح لسانك واحساسك
تجسيد جميل ومتسلسل للمعاناه

اشكرك

[بدر الشدادي]

أكتب على النصب (وحدِه) كـان خفاقـي الله يـبـيـحـه ويــرفــع بـالـبـشـر قــــدره
الله درك ياثورة الزيز اول قصيده اقراءها لك للامانه ونالت اعجابي وبقوة صح السانك مليون وعداد من على الارض يمشون وافيه يابنت الاجاويد والله يضرك وبنتظار جديدك
تحيتي لك

[خالد العبيريد]

ياهلا حياااااااك الله شاعرتنا المبدعه ثورة الزير ,,

صح صح الله لساااانك وصح قلبك وكلك ولاهنتي قصيده شامخه وجزل وساميه ماشاء الله تبارك الله ,,

كل الشكر والتقدير لك وخالص متابعتي .