جوابٍ على الشاعر محمد بن بداي

[سعيد محمد القحطاني]

بسم الله الرحمن الرحيم

المعذره على التأخير يبو بداي والعنوان لايمكن تعديله
والمقصود جواب على الشاعر محمد بداي

الشاعر محمد بن بداي المطيري وجه لي قصيده مدحني
فيها ابو بداي جعله يسلم ولكن من خلال تدققي ومتابعتي
للقصيده ان وجدت ابو بداي استعجزني بربط ثلاثه احرف
بقافيةالشطر الاول وهذا النوع اتجنبه دائماً مع الشعراء الا
في حاله أني لا اريد الشاعر يرد علي عموما هذا الاتهام وجهته
ل اخي محمد عند ماوجدت نفسي عجزان عن مجاراته عموما
اخذكم معي تعالو نشوف ماذا قال بن بداي


يـا*سعيـد*جـابـت*للخـبـر*بـنـت*بـرقـا
وقالـت*شمـوخ*سعيـد*بيّـن*وينشـاف

قالـت*يعسـف*الـقـاف*مـطـرق*وطـرقـا
والـشـاهـد*إنـــه*حــقــق*الأربــــع*آلآف

حــنــا*جـمـاهـيــرك*بـنــنــزل*ونــرقـــا
وحنا*ضيوف*الحرف*دام*العشا*قاف

مـبـروك*فــي*كــل*الــف*ويبـيـن*فـرقــا
حــتــى*تــعــدى*خــانــة*آلآف*الاولاف

ويـذيـع*صيـتـك*بـيــن*غـربــه*وشـرقــا
وكـلٍ*يعـرف*سعيـد*مـن*كـل*الاطــراف

يـفــدى*قـصـيـدك*كـــل*عـنـقـا*وطـرقــا
مذيـره*مـاهـي*عـلـى*الـقـرب*مـيـلاف

وشوف*البحر*ياسعيـد*كـم*فيـه*غرقـا
غرقـا*غـرام*بحـور*مـن*غـيـر*مـجـداف

واهـل*الدبـش*لا*نـاض*ف*الجـو*برقـا
تـبـاشـرو*بالـخـيـر*مـــن*هالتـكـشـاف

وقـلــوب*فـيـهـا*غـــل*وكــبــود*حــرقــا
الله*يكـفـيـنـا*الــبــلاوي*والإجــحـــاف

والا*الحـسـد*فــي*كـبـد*راعـيـه*عـرقــا
ميسـم*علـى*كبـده*ومخطـر*وخطّـاف

ومــن*عـامـل*الاجــواد*حـيـلـه*ودرقـــا
يلقـا*مصـيـره*قــدم*ويشـوفـه*خــلاف

سرقـنـي*الـطـاروق*ياسـعـيـد*سـرقــا
وياحـلـو*سرقـاتـه*لـيــا*زان*مـحــراف



وهذا ردي على ابو بداي ولايعيبني اذا لست
جدير بمجاراتك يبو بداي وقد تكرر عندي كثير من
قوافيك فهذا عجز بالشاعر الثاني وليس انتقاص
من حق الاول أترككم مع الرد المتواضع والحكم لكم
والعذر مني لكم



قافن لفاني يطرق الصدر طرقا
ماكنه الا مطرق بين الانجاف

هيض شجوني واحرق القلب حرقا
من شاعرٍ من غبة الشعر غراف

موج البحر خلا ضحاياه غرقا
واللي نجا منهم رمابه على الجاف

من فكر بن بداي ماهوب سرقا
اللي فرض شخصيته بين الأطراف

انته وانا والثالثه بنت برقا
والرابع الجمهور والخامس القاف

والله خلق الايام جمعا وفرقا
عشنا نموت وبعدنا يأتي اسلاف

ويبقا الكلام اللي معانيه ترقا
للي يجي من بعد ذا اليوم وخلاف

اسمع كلام يخرق السمع خرقا
للفتل نقاضه وللحق عراف

اعداد ماناحةعلى الغصن ورقا
يامرحبا ترحيب بشكال واصناف

من بعد ماكانت سما الشعر زرقا
غيّم وديّم وانهمر فوق الأرياف*

دورت لي مع قمة الشعر مرقا
وشبيت لي نارن على راس مشراف

لا شافها الميلاف يصعد ويرقا
يقلط لها اللي ل الطواريق ميلاف

 

 

 

 

 

 

 

 

توقيع : سعيد محمد القحطاني

  __༼࿄ཽ༽__ཬ་⌒་ར__༼࿄ཽ༽__ اللهم إن شوقنا لشهرك قد زاد فيارب لا تحرمنا وأحبتنا من صيامه وقيامه .. أجاب الله لكم الدعاء وأبعد عنكم البلاء ورفع شأنكم في الأرض والسماء .. مبارك عليكم الشهر كل عام وانتم بخير  اعضاء لهم وحشه (سلطان المري) (جابر اليامي) سعيد محمد القحطاني

[بدر الشدادي]

والله خلق الايام جمعا وفرقا
عشنا نموت وبعدنا يأتي اسلاف

ويبقا الكلام اللي معانيه ترقا
للي يجي من بعد ذا اليوم وخلاف
الله الله ياسعيد جزل ومميز وممتع يابعدي ووافي ومافيك قصور يالقرم والمفردات مهما تكررت ماتعيب القصيده فديتك فانت ياسعيد وجدنا في قصيدتك الحكمه فابيض الله وجهك ومايهون ابن بداي وصح السانك مليون ولايسدون ياغالي
تحيتي لك

[سحابة الطائف]

صح لسانك سعيد
مجاراة جميله راقت لي وأنت شاعر ماينخاف عليك
ولايهون المطيري

[بـــــرق الجنوب]

الحقيقه محمد وسعيد من أفضل شعار النظم

في هذا الملتقى بدون مجامله ولايهونون الأخوان
رديه في غاية الروعه
صحت ألسنتهم

[فزاع المرشدي]

ياسلام ياسلام

صح لسانك ياسعيد وصح لسان ابن بداي
كفووووو كفوووووووو شعراء عمالقه
وابداااع منقطع النظير لاعدمناكم

[فراشة]

صح لسانك وقلبك يّ ابو محمد ..والله ماتعجز عليك ماشاءالله
والله يعطيك العاااافية ..

[ترانيم المطر]

صوت راااائع وصدى أروع لااااااااااااهنتم يا شعراءنا
تحيتي وتقييمي

[سعيد محمد القحطاني]

بدر الشدادي
سحابة الطائف

برق الجنوب

فزاع المرشدي

فراشه

ترانيم المطر

بيض الله وجيهكم على الحضور والكلام
الطيب تسلمون الله يخلقكم ويحفظهم
وجودكم وكلامكم اسعدني وثلج صدري
تقبلو شكري وتقديري ولا خلا ولاعدم

[خالد العبيريد]

وعليكم السلام ورحمة الله وبركاته ,,

اررحب يابو محمد حيااك الله وحي الله ابو بداي ,,

صح الله لساان محمد بداي وصح الله لساانك ولاهنتم شعراء شهادتي فيكم مجرووحه والله ,,

وليسى التكرير في القاف عجز منك طال عمرك بل نظر المعنى وجزالة التركيب فقط ماهوب هم القاف يالقرم ,,

كل تقديري لكم وخالص تحيااتي والله لاضركم يالغوالي .

[سعيد محمد القحطاني]

خالد العبيريد تحيا وتبقا وتسلم ي غالي
وشهادة مثلك اعتزفيها وكلك نظر الله يطول عمرك
شكرًا على مرورك يبو سهيل ولا خلا ولا عدم
تحياتي وتقديري ولا هنت