الله يآ شين الفلسفة والكلافة

الله يآ شين الفلسفة والكلافة

الشعر هم وصاحب الشعر مهموم = أقولها حكمة ولا هي لقافة
أقولها دايم مهو بأمس واليوم = بيني وبين لحون شعري وقافة
واليوم بأعلنها وبأستحمل اللّوم = من شاعرٍ توّه ما ذاق الحسافة
الشاعر اللّي همّه يسجّل ألبوم = يمّا سمان الهرج والّا ضعافه
الشعر عنده لعب ومزوح وحلوم = وألّا حروفٍ تنكتب في صحافة
مآ هو بمن دنيا الغرابيل مظيوم = والهم مآ عمره مع الوقت شافه
يآهيه يا طير عجل شفّه الحوم = قبل المطير أحسب حساب المسافه
لآ تكلّف العربان وتشرّه القوم = كلٍّ عرف وش مقدمه من خلافه
أحدٍ جفى وأحدٍ نظر نظرة الشوم = والبيت ما كلٍّ سعى به وطافه
بحرك عميق وعادك بحاجة العوم = وتقول أنا الغطّاس وأنته تخافه
إن كان ما الشعر أحرمك لذّة النوم = وألّا يآ شين الفلسفة والكلافة

المصدر: الملتقى الجماهيري للشاعر محمد بن فطيس المري

صح لسانك

في ذمتي نص وافي

تطرقت بالقصيدة لفئة معروفة لدى الشعراء

الله لايجعلنا منهم

اقتباس المشاركة الأصلية كتبت بواسطة رائد العصيمي صح لسانك في ذمتي نص وافي تطرقت بالقصيدة لفئة معروفة لدى الشعراء الله لايجعلنا منهم

صح بدنك يالخوي

رجو روسنا بالفاضي

بالفعل الله لا يجعلنا منهم ،

تحياتي يالشنب،

صح لسانك اخي فهد

ابدعت لاعدمنا ابداعك

صحيح ياشين الفلسفه والكلافه
كلام جميل اشكرك عليه

ننتظر ابداعك القادم

تقبل مروري

اقتباس المشاركة الأصلية كتبت بواسطة علمتني الحياه صح لسانك اخي فهد ابدعت لاعدمنا ابداعك صحيح ياشين الفلسفه والكلافه كلام جميل اشكرك عليه ننتظر ابداعك القادم تقبل مروري

صح بدنك خيتي عاليه

اتشرف بمرورك دوم

تحيآتي

الله الله يافهد جبتها في الصميم صحيت وصح لسانك مدى الحياه
والوكاد اذا سمحتلي اني باجاري هذاه ألقصيده
وتقبل تحيات اخوك ولاهنت

اقتباس المشاركة الأصلية كتبت بواسطة سعيد محمد القحطاني الله الله يافهد جبتها في الصميم صحيت وصح لسانك مدى الحياه والوكاد اذا سمحتلي اني باجاري هذاه ألقصيده وتقبل تحيات اخوك ولاهنت

حياك يالخوي شرفني مرورك

واتشرف بمجاراتك ، خذ راحتك يالخوي

صح لسانك

في ذمتي نص وافي

تطرقت بالقصيدة لفئة معروفة لدى الشعراء

الله لايجعلنا منهم
ياشين الفلسفة والا قافة ,,,

ورب البيت انك وفيت وكفيت

ويسلم لسان من قالها

وبيض الله وجهك وتسلم

اقتباس المشاركة الأصلية كتبت بواسطة المغربله من الناس ورب البيت انك وفيت وكفيت ويسلم لسان من قالها وبيض الله وجهك وتسلم

صح بدنك خيتي

اتشرف بمرورك دوم