البارحه ما والف النوم عيني,,

البارحه ما والف النوم عيني,,

بسم الله الرحمن الرحيم ,,

السلام عليكم ورحمة الله وبركاته ,,

اقدم لكم ابيات بعد ماجاني خطاب من واحد والله ماعرفه ولاكتب لي اسمه بس يشتكي لي عن حاله,,
المهم أني كتبت هالابيات وإتمثل له على رد الخطاب ,,

البارحه ما والف النوم عيني=سهران والخاطر مع السهر ماراق
إراقب نجوم ٍ تغيب وتبيني=وأقول ليت الخير مع نور الاشراق
أسباب خط ٍ جاب خافي كنيني=وأثر على قلب ٍ من الهم مافاق
تقرير عن حال ٍ وقلب ٍ طعيني=بلواي مع بلواه في حب وفراق
مجروح يشكي للجريح الحزيني=عاده من الشكوى على نار الاشواق
لو حس في شوقي وزايد حنيني=ماخط زاجه على بيض الاوراق
لاشك في قلبه غرام ٍ دفيني=وصبره قضى من حاله الي به أنعاق
يشكي عذاب الضيم طول السنيني=ويمر به في لاطف الهم وأرهاق
لو كان مدري ويش بينه وبيني=حبل الوفاء طايل ولاهوب بدقاق
حلت علي شكواه جيم ٍ وسيني=إتثلج الخاطر ولو صابه أحراق
ماهوب من ظني ولا من يقيني=لابد مانطلع على الحق لو باق
والله لو حكم الهوى في يميني=ماتنزل الدمعه على خد مشتاق
لاباس والمكتوب عندي ثميني=ماينطوي لو كان وقت القسى شاق
أنا بحالي قبل مالي عويني=وأقدم عسى للخير فالمزن براق
والله على جور الليالي يعيني=الواحد الي معطي ٍ كل الارزاق

وسـلامة نواظركم وقلوبكم ,, خالد العبيريد.

المصدر: الملتقى الجماهيري للشاعر محمد بن فطيس المري

والله لو حكم الهوى في يميني ... مَ تنزل الدمعه على خد مشتاق

..

الله أكبر
حياك يآ الشيخ وصح لسانك وقلبكَ
والله يعافييك ويقوويك ..
والله يعينكمم .. آرق آلود والتقييم

والله لو حكم الهوى في يميني ... مَ تنزل الدمعه على خد مشتاق

..

الله أكبر
حياك يآ الشيخ وصح لسانك وقلبكَ
والله يعافييك ويقوويك ..
والله يعينكمم .. آرق آلود والتقييم

هلا بالنجلاء حياك الله ,,


صح الله بدنك وصح قلبك ولاهنتي على التعليق الطيب ,,

والله يعين الجميع كل تقديري وشكري لك ووافر احترامي .

خالد العبيريد
الله .. الله
صح الله لسانكـ
رد وافي مثل صاحبه

دمت وداً

اقتباس:
المشاركة الأصلية كتبت بواسطة عبدالرحمن العيفان [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

خالد العبيريد

الله .. الله
صح الله لسانكـ
رد وافي مثل صاحبه

دمت وداً

هلا عبد الرحمن حياك الله ,,

صح الله بدنك وصح قلبك وكلك ولاهنت ياغالي على حضورك وتعليقك ,,

تحياتي وتقديري لك.

والله لــو حـكـم الـهـوى فــي يمـيـنـي=ماتنـزل الدمـعـه عـلـى خــد مشـتـاق

اشهد لله يبو سهيل ان ودي انه في يمينك واني مرتاح هههههههههههه

صح الله لسانك ولاهنت قصيده جزله يبو سهيل لاعدمناك

اقتباس:
المشاركة الأصلية كتبت بواسطة محمد الشريف [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
والله لــو حـكـم الـهـوى فــي يمـيـنـي=ماتنـزل الدمـعـه عـلـى خــد مشـتـاق

اشهد لله يبو سهيل ان ودي انه في يمينك واني مرتاح هههههههههههه

صح الله لسانك ولاهنت قصيده جزله يبو سهيل لاعدمناك




مرحبا يامحمد اثرك مولي ههههههه الله مع الصابرين وصح الله بدنك وصح قلبك ولاهنت ياغالي الجزل مرورك ,,

تقديري وخالص تحياتي لك.

ٍٍ صح لسانك ٍٍٍ

ٍٍقصيده رائعه يعطيك العافيه ٍٍٍ

اقتباس:
المشاركة الأصلية كتبت بواسطة روابي [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
ٍٍ صح لسانك ٍٍٍ

ٍٍقصيده رائعه يعطيك العافيه ٍٍٍ



هلا روابي حياك الله ,,

صح الله بدنك وصح قلبك ولاهنتي الرائع مرورك ,,

كل تقديري لك.

صصصصصصح لسانك روووووووووووعه