ياسلوتي ياغاية الروح ومناي ,,

[خالد العبيريد]

بسم الله الرحمن الرحيم ,,


السلام عليكم ورحمة الله وبركاته ,,


اسعد الله جميع اوقاتكم بكل خير وكل سرور ,,

اقدم لكم ابيات قديمه ولقيتها في الايوتب بصوت عبد الطيف العبيريد واشكره على هذى العمل الي قام به ,,

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]


[poem=font="MS Dialog,5,darkred,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
ياسلوتي ياغاية الروح ومناي=انت الوحيد الي عنى القلب ودواه
مشيت لك فالحب وياطول ممشاي=ولاترحم الي فالهوى طال ممشاه
اذكر عهدنا يوم كفك بـ يمناي=وتقول درب الوصل مايوم ننساه
واليوم لك منحا ً مهو يم منحاي=اقفيت ودرب الوصل ماعاد تبغاه
روُح وانا شلت الحزن في خفاياي=واخاف من هرج المعادين وأكناه
وأتبع سراب ٍ مايفيدك من الماي=ولايسقي الضامي ولو كوب من ماه
وكتبت لك خط ٍ من الجررح ودماي=على جبين الغدر يمكنك تقراه
مشيت لك مشتاق عجل ٍ بخطواي=واثر طريق الحب ماجيت منهاه
واشيل همك فوق همي وبلواي=واقول ابصبر لازم الصبر نقواه
[/poem]


وسلامة نواظركم ومسامعكم ,, خالد العبيريد .

 

 

 

 

 

 

 

 

توقيع : خالد العبيريد

سبحان الله وبحمده,, سبحان الله العظيم,, لااله الا الله محمد رسول الله,, لاحول ولاقوة الا بالله العظيم أستغفر الله,, اللهم أرزقنا العفو والعافيه في الدنياء والاخره.

[عامر صالح ال شنيف]

يا مرحبا والله بو سيهل
صح الله لسسسسسانك وانا متابع لك
قصيدة لها جرح وطاحت لها على جرح
لله درك وتسلم على العمل الجميل المقرون بجمال الكلمة والإلقاء

[الماسـه]

ماشاء الله ابدااااع خآالد
صح لسآانك خيوو . .
دخلت اليوتيوب جتني هذي
والرديه بينك إنتا وصنداح الزلامي
عجبتني الرديه مع إلقائك لها يجنن الله يحفظك يآارب
اما هذي فيها موسيقى وقطعتها هههههههه

[خالد العبيريد]

حيااااااك الله يالشنيف ,,

صح الله بدنك وصح قلبك وكلك ولاهنت على حضورك المضئ وتعليقك العذب,,

تحياتي وكل تقديري لك .

[خالد العبيريد]

الماسه حياك الله ,,

صح الله بدنك وصح قلبك وكلك ولاهنتي على حضورك المضي وتعليقك ودخولك على الرديه ,,

تحياتي لك وكل تقديري وكل شكري .

[مشاعر مجروحه]

الله الله صح لسانك ياخوي
قصيده روعه والقاااا اروع
يسسسلمو عساك للجنه

[خالد العبيريد]

حياك الله مشاعر مجروحه ,,

صح الله بدنك وصح كلك ولاهنتي على حضورك المضئ وتعليقك الجميل ,,

تحياتي لك وتقديري ووافر الاحترام .

[بسمة غزل]

قصيده جميله

صح لسسآنك

[خالد العبيريد]

لجل الوعد حياك الله ,,

صح الله بدنك وكلك والاجمل مرورك ,,

تحياتي لك .

[الفلوه]

خالد العبيريد
قصيدك رائع اخي القدير
والقاء وصوت عذب
كلك ذوووق
دائما تعودنا منك
علي جمال ماتكتب
احساسك مميز
سلم لنا قلم هو شمس بالافق
لروحك ليلك وخزامي
تقييمي لسموك ايها الرائع