فهد ثامر البقمي +فهد ضبيان

[فهد ثامر البقمي]

السلام عليكم ورحمة الله وبركاته

اعذروني على المداخله ولكن من باب التجديد في فن المحاوره اطرح لكم هذيين البيتين
ومن لديه المشاركه يتفضل


يا سلام الله سلامٍ من هجوس الشاعر اللي يبدع القيفان في بحر المثايل والمثايل
والمثايل من معانيها جزيل الوصف يطرق طرق لحن السامريه والهلالي والهلالي

صاحبي مدري لك الله ما يضم العلم مير العلم عند القوم مخلاب الفعايل والفعايل
نازلٍ وسط المسيله من سنين ولو يجيه السيل يزبن في حمى روس الجبالي والجبالي

 

 

 

 

 

 

 

 

توقيع : فهد ثامر البقمي

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

[قـاصد كـريم]

صح لسانك يافهد

ان شاءالله تلقى من الشعراء من يلعب معك على البحر الطويل

نحن بالانتظار

[رمق]

يا سلام الله سلامٍ من هجوس الشاعر اللي يبدع القيفان في بحر المثايل والمثايل
والمثايل من معانيها جزيل الوصف يطرق طرق لحن السامريه والهلالي والهلالي

صاحبي مدري لك الله ما يضم العلم مير العلم عند القوم مخلاب الفعايل والفعايل
نازلٍ وسط المسيله من سنين ولو يجيه السيل يزبن في حمى روس الجبالي والجبالي



ماشاء الله يّ فهد وش هالابيات ..

أظن يبي له شاعر مصحصح ومرووق

بانتظآره

[عبدالله السناني]

الله يعين الشاعر اللي بيرد على هذا البحر , مشواااااااااااااار ههههههههههههههههه

[فهد بن ضبيان]

مرحبا بك يا المسلم شد حيلك يا عميلي شد حيلك كانها جات الصمايل والصمايل
والصمايل ما يهون دونها رجلً وقف في ماقفه يا صاحبي بين الرجالي والرجالي

ركد الدله على المله ويضهر ريح بن الدله الي ركدت فوق الملايل والملايل
حرها ينجح شوية راعي المقناص بكره لا قنص يبغى يدور للغزالي والغزالي

[فهد ثامر البقمي]

اقتباس:
المشاركة الأصلية كتبت بواسطة فهد بن ضبيان [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
مرحبا بك يا المسلم شد حيلك يا عميلي شد حيلك كانها جات الصمايل والصمايل
والصمايل ما يهون دونها رجلً وقف في ماقفه يا صاحبي بين الرجالي والرجالي

ركد الدله على المله ويضهر ريح بن الدله الي ركدت فوق الملايل والملايل
حرها ينجح شوية راعي المقناص بكره لا قنص يبغى يدور للغزالي والغزالي



يامرحبابك يا سمي وصح السانك على الرد الطيب

استلم وسلمت

البقاء بك يالمرحب من طلوع الشمس لين الليل حاضر ما أختلف عبر الوسايل والوسايل
والوسايل صنعت الفنان ترجم يالمترجم في رموز إحروفها سر المقالي والمقالي

أشرب الفنجال وإقدع يا عميل الخير جاك العلم عندي والخبر روس الفتايل والفتايل
والعوارف تَعرف المقصود وإفهم يا فهيم العرف كان العلم بَين فالظلالي والظلالي

[فهد بن ضبيان]

واعتذر اذا حصل خلل او قصور من الجميع

[خالد العبيريد]

وعليكم السلام ورحمة الله وبركاته ,,

اررحب يابو ثامر بدايه قويه صح الله لاانك يالجززل وصح الله لساانك يابن ضبيان رد يجمل وجززل ,,

متااااااااابع لكم وفي انتظار تكملون القاف .

[رداد المري]

ابوثامر البقمي صح لسان وياسلامي على بن ضبيان وصح لسانه
متابع

[عاليه]

ااابدااع ودام المحاوره فيها الشاعر فهد البقمي اعتقد بتكون قمه

متابعيييين وراح نستمتع