بين جزره ومده

[يحيى الأسيود]

بسم الله الرحمن الرحيم



السلام عليكم ورحمة الله وبركاته


يشـرفني اقدم لكم جديدي بعنوان الزين



الزين من هو زان معه الزماني
ولا الحلا ربك هو اللي يمده

والصدق لا منـًـه نطقه اللساني
يبري خفوق اللي جروحه تهده

والطيب الوافي عزيز المكاني
ياقف معك وقت القسى ماترده

كنـًـه قطامي زايد(ن) به جناني
شاف الحباري بس راعيه لده

او يوم طار الطير بس بثواني
الا الحباره صايره وسط يده

ولا الردي طبع الردى به كواني
مدري على الهزله يمن هو يحده

والحب من غير الوفاء والحناني
عيب(ن) على العاشق يقول ويعده

وينطلق بعد الحكي ذا حصاني
وابدى عتابي ليت ياتي برده

أن كان هو صدًو تركني أعاني
ياليت يعطيني سبايب مصده

مدري ضروفه لا ويمكن نساني
خلا خفوقي بين جزره ومده

لانه عزيز و بالمفارق عطاني
هلـًـت دموعي فوق راس المخده


وسلامتكم

 

 

 

 

 

 

 

 

توقيع : يحيى الأسيود

سُبْحَانَكَ اللَّهُمَّ وَبِحَمْدِكَ ، أَشْهَدُ أَنْ لا إِلهَ إِلَّا أَنْتَ أَسْتَغْفِرُكَ وَأَتْوبُ إِلَيْكَ

[بنت برقا]

لله عليك

صح السانك مدد بلا عدد

ابيات جزله من شاعر جزل الله لايضرك

اسجل اعجابي بهذا الحضور

تقبل خالص تقديري لشخصك الكريم

[عاليه]

صح السانك اخوي يحيى مبدع دوووم
وابيات فيها من الحكم الكثير والدروس الكثير
لله درك

لروحك العذبه شذى ورودي

[روعة الاحساس]

والحب من غير الوفاء والحناني
عيب(ن) على العاشق يقول ويعده
صح السانك ابدااع لاعدمنا جديدك

[مجازفف]

صح الله لسانك
ابداع ...

[يحيى الأسيود]

صحت ابدانكم وحيـاكم

[شمووخ بدويه]

صح الله لسانك
بداع بلا حدوود

[شمووخ بدويه]

احي اخووي القريني لي يشاهد الموضوع

[الفلوه]

يحيى الأسيود
أيها القدير كلماتك رائعة اخذتنا هنا امام بحرك بين مدك وجزرك
علو باحرفك مع صباح عطرت به اركان قصيدك لرقي شعرك وردالكون

[خالد العبيريد]

والطيب الوافي عزيز المكاني
ياقف معك وقت القسى ماترده

كفوو وبيض الله وجهك ,,

وعليكم السلام ورحمة الله وبركااته ,,

حيااك الله يابو احمد ياهلا ويامرحبا ,,

صح الله لساانك وصح قلبك وكلك ولاهنت شاعر جزل ووافي والله يعلم ,,

كل تقديري وشكري لك وخالص تحيااتي يالقرم .