قالوا حبيبك سالي ن مع حبيبه .. جديدي

[رائد العصيمي]

السلام عليكم

ابيات .. اقتبست من ابيات شاعرة قديمة ..

ف طلع معي هذا النص يارب يحوز على رضاكم

تقييمكم له ونقدكم اساس النجاح

يقول :

(ياعين هلي صافي الدمع هليه
واليا انتهى صافيه هاتي سريبة)
بيت ن ذكرته يوم عيّنت طاريه
قالوا حبيبك سالي ن مع حبيبه
غيّر غرامي والوعد والمشاريه
واقفى وانا عيني لزولة رقيبة
مايسمع ضلوعي بحبه تناديه
مايسمع الي ظهّر الوقت شيبه
روّح وجرحه مالقى من يداويه
جرحه مكن فالصدر منهو طبيبه
مدري علامه كيف وشلون مع ليه؟
وشلون تاتي منه والله غريبة
وشلون يتركني وقلبي يناديه
وانا الذي صنته وقلبي قليبه
يحذف به من الهم واشيل واغليه
اشيل همه والسعادة نصيبة
اساعده بيديّ واحن وادعيه
واجفف دموعه وأواسي نحيبه
واليوم عني راح واقفت مساعية
والوصل مابيني وبينه طليبه
مبسوط ربي يسعده في لياليه
هذا الصحيب الي غدر في صحيبه
والعذر مابه عذر لاشك يحميه
والروح من صدته جدآ كئيبة
والقلب جاء له فالهوى مايكفيه
يدخل مصيبة طالع ن من مصيبة
خلى الامل من بعد ماكان يرجيه
صابة مع الايام مليون خيبه

ياعين كفي صافي الدمع كفيه
الدمع غالي والعواذل قريبة
(اللي يبينا عيت النفس تبغيه
والي نبي عيا البخت لايجيبه)


وسلامتكم قابلة للنقد

اخوكم \ رائد

 

 

 

 

 

 

 

 

توقيع : رائد العصيمي

اللهم اشرح صدري ويسر امري اللهم انصر اخواننا المسلمين في سوريا .. اتمنى من الجميع الدعاء لهم بالتوقيع تويتر ( رائد لمتابعة قصائدي والتواصل معي ) [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] مدونتي (ياركني الهادي تراني نصيتك) [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

[يحيى الأسيود]

آخوي الكريم ./ ابياتك في قمة الروعه

ولا هنت على هذه الابيات

والبيتين اللي واحد في مطلع القصيده واخر بيت في النص


هم لشآعره الكبيره الدقيس رحمها الله شآعره جميله وتغنت في الغزل الكثير


شكرا لك اخوي على حفظ حق الشآعره

وصح لسانك على الابيات الاكثر من روعه

آخوك / ميولي شعر

[شايمه]

يارايد الرجال كل شي بيديه
واللي يبيه إن عاش راسه...يجيبه
حنا ..وش اللي في يدينا نسويه!!!!!!!!!!!!!!!
لو ظلومنا وزوجونا غصيبه!!!!!!!!!!!!!!!!!!!

[فاقده ابوها]

صححححححححح السااااااااااااانك رووووووعه وكلمة روووووووعه قليله في حق الابيات

وحبيت اني اجاريها بها البيتين رغم اني عارفه انها ماراح توصل لحجم ابياتك لاكن هذا ماجاد به احساسي لان ابياتك حركت القلب

هذا الزمن ياخوي منهو يجاريه
وقتن علينا جار ربي حسيبه
فيه الردا ياخوي بانت مواريه
مصيبتن ياكبرها من مصيبه
لاصار ذبحك من ورى شخص تغليه
مالوم قلبك لاتزايد نحيبه؟؟؟

وبيتك فتح بالقلب جرحن نداريه
جرحن عميق ومالقينا طبيبه

الله على ذا الوقت واللي يجاريه
مصيبتن ياكبرها من مصيبه
نقلت بيتن اعجبتني معانيه
خلا دموعي من عيوني سكيبه

اللي يبينا عيت النفس تبغيه
واللي نبي عيا البخت لايجيبه

[الماسـه]

صح لسآنك رائد
رووعه وقمة فالجمآل الابيات
دائما مبدع ومميز
الله يحفظك يآرب

[تـَـــَرفَ]

صصح لسسآنك
أخوي رآئد
مبدع كعآدتك كل الشككر عزيزي

[رائد العصيمي]

اقتباس آخوي الكريم ./ ابياتك في قمة الروعه ولا هنت على هذه الابيات والبيتين اللي واحد في مطلع القصيده واخر بيت في النص هم لشآعره الكبيره الدقيس رحمها الله شآعره جميله وتغنت في الغزل الكثير شكرا لك اخوي على حفظ حق الشآعره وصح لسانك على الابيات الاكثر من روعه آخوك / ميولي شعر

شاكر لك حضورك الانيق ياجميل

[رائد العصيمي]

اقتباس يارايد الرجال كل شي بيديه واللي يبيه إن عاش راسه...يجيبه حنا ..وش اللي في يدينا نسويه!!!!!!!!!!!!!!! لو ظلومنا وزوجونا غصيبه!!!!!!!!!!!!!!!!!!!

في اعتقادي البنت موب لازم تحب .. لآنها في مجتمعنا مسيّرة وليست مخيّرة

[رائد العصيمي]

اقتباس صححححححححح السااااااااااااانك رووووووعه وكلمة روووووووعه قليله في حق الابيات وحبيت اني اجاريها بها البيتين رغم اني عارفه انها ماراح توصل لحجم ابياتك لاكن هذا ماجاد به احساسي لان ابياتك حركت القلب هذا الزمن ياخوي منهو يجاريه وقتن علينا جار ربي حسيبه فيه الردا ياخوي بانت مواريه مصيبتن ياكبرها من مصيبه لاصار ذبحك من ورى شخص تغليه مالوم قلبك لاتزايد نحيبه؟؟؟ وبيتك فتح بالقلب جرحن نداريه جرحن عميق ومالقينا طبيبه الله على ذا الوقت واللي يجاريه مصيبتن ياكبرها من مصيبه نقلت بيتن اعجبتني معانيه خلا دموعي من عيوني سكيبه اللي يبينا عيت النفس تبغيه واللي نبي عيا البخت لايجيبه

صح لسانك

ومشكورة على المرور والتعليق الجميل

[رائد العصيمي]

اقتباس صح لسآنك رائد رووعه وقمة فالجمآل الابيات دائما مبدع ومميز الله يحفظك يآرب

صح بدنك
التميز حضورك