يابيت

[شايمه]

قصيدتك رائعه اختي فاقده صح لسانك وانا من المتابعين لك...
للامام...

 

 

 

 

 

 

 

 

توقيع : شايمه

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

[فاقده ابوها]

شاااايمه صح بدنك ياروحي وسرني متابعتك لي يالغلا

[سالم الرواحي]

تعبت انا في دنيتي والعنا طال
ويش الدوا للي حياته حزينه

يابيت لاتبدي من الهم مثقال
خل العلوم اللي عطيتك دفينه


تسلمي ع القصيده وهالابيات الاكثر من رئعه

[فاقده ابوها]

سالم الرواحي لاهنت على المرور ومشكور

[فارس الجهيمان]

اقتباس:
المشاركة الأصلية كتبت بواسطة فاقده ابوها [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
[frame="7 10"]
يابيت شعري لاتوقف على جال
اعبر وهات القيمه والثمينه

اورد علا فكري كما الغيث همال
وخل الهزيله منك واعط السمينه

يابيت لامنه طرى شي بالبال
غديت انا وياك مثل السفينه

تقتادني يابيت من جال ليجال
مثل البحر لامن لعب بالسفينه

واصبحت انا يابيت هايم ورحال
اسرح ابفكري بين زينه وشينه

واسهر ابتالي الليل واجر موال
وغيري لذيذ النوم هم مهتنينه

يابيت قلي وينهي راحت البال
حالي نحل ياعل ربي يعينه

يابيت انا دنياي عبرات وامثال
منهو غدى مثلي لهمه رهينه

لعبت بي الدنيا كما لعبت الشال
في يد عذرا بالهوى مستهينه

اجي على اليمنى وهي تاتي اشمال
واجي لها يسرى وهي لي فطينه

تعبت انا في دنيتي والعنا طال
ويش الدوا للي حياته حزينه

يابيت لاتبدي من الهم مثقال
خل العلوم اللي عطيتك دفينه


-------(( فااااااقده ابوها))



[/frame]





فاقدة ابوها .. صح لسانكـ شاعره ذات حيويه بالشعر

جميله جدااا .. متمكنه قادره على التصوير الجميل

خيال واسع جداا أهنيك على هكذا شعر .. رغم الحزن الا

أن الشاعر أو الشاعره حينما يكتب من شعور صادق فهو يبدع

بإيصال مشاعره تماما كما أرى بهذه الأبيات من أبداع ..

من يكتب هذا الشعر حتما أن ماتم إيضاحه باللون ألأاحمر

ان سقط سهوا .. تكرار المفرده بالبيت وكما يقال انه يجوز تكرارها

بعد البيت السابع من المفرده الاولى .. وانتي ذكرتيها بالبيت اللذي يليه

وهذا يقلل من جمال القصيده وانتي شاعره متمكنه والمفردات كثر

وقاده على التعويض بأي مفرده ولو تغير الشط بأكمه فانتي مجيده تماما

للحرفنه الشعريه ولا يمكن ان تمر عليك هذه بالسهوله إنما هي كما اعتقد سقطت سهواا


...



وكما رأيتها أيضا بالتوقيع الجميل اللذي احزنني صراحه مفردة (راعيكـ ) تكررت

والفارق بينهما شطر .. فانتي شاعره ذات حضور شعري

واعتذر واتأسف انني

تحدثت بذلك ولكن وخالقي من محبه وإعجاب بما قرات وهو مادفعني لقراءة التوقيع

والتوضيح له .. ولو لم اعتبره نص لاخت عزيزه وخالقي ماتحدث بهذا


.. واخيرااا ..

صح ربي لسانك لسانك لسانك وانا بإنتظار جديدك بشغف


عذب التحايا

[عبدالله السناني]

صح لسانك واعتلى شانك , لآهنتي على الجزاله ,
وانا اول مرره بحياتي ,

احس الحزن الحقيقي في الشاعر , لآن اغلب الشعراء يكتبون من نسج الخيال
بس انا عندي إحساس إنك تكتبين من حزن حقيقي

الله يرحم ابوك ويوفقك

تقبلي تحياتي ,

[بدر الشدادي]

لعبت بي الدنيا كما لعبت الشال
في يد عذرا بالهوى مستهينه

صورة شعريه مميزة ماقول الا صح الله السانك مليون ابدعتي فاجزلتي
تحيتي لك وبنتظار جديدك ياشاعرتنا

[سعيد محمد القحطاني]

فقده أبوها يالله انك تحيها
وماجاتبه صح الله لسانك وعلا شانك أبا اقول لك شي
انتي شاعره ماعليك كلام اتمنى اشوفك
في قسم الشعر والشعراء

[محمد الشريف]

صح لسانك يافاقده وربي انك شاعره كبيره قصيده عضيمه معنى ومبنى
لاهنتي على الابداع والله يفرجها يابنت الاجواد الصبر مفتاح فرج
والانسان سماه ربي انسان ينسى الله يسهلها لك

[rm7 alshmal]

دائما نحاول نتمسك بمن نحبهم ونحافظ عليهم ولكن سرعان مايحول الفراق بيننا ليس برغبتن منا ولكن بقوة الموت اللتي لاقدرة لنا بمواجهته..

فاقده ابوها شاعره جزله ومتميزه نرجو من العزيز القدير ان يرحم والدك ويسكنه فسيح جنانه ويرحم موتى المسلمين..
فاقده صح لسانك وتقبلي مروري على طرحك الرائع..

((رمح الشمال))