رد على الاخ سعيد

شنق وسعيد

ما قصدنا يا سعيد نجيب لك شكه ذميمه=ولا قصدنا نجرح المرضان بسنان السهامي
قصدنا سامي خذ اللب اللباب وضع يديمه=ما تعدينا لو ان خشومنا فيها عرامي
انت من نادا وحن جينا على صحن الوليمه=لا تشددنا قبل لا نعرف الفاظ الخصامي
رحمة الله فوقنا ونفوسنا ما هي رحيمه=والنعم بك والوفى لك يا ابن الاجواد استقامي
اسمي الموضوع ظاهر لو تفاكيرك سقيمه=ما شهرت الحد لجلك لا ولا ارويت الحسامي
دام انا من قوم رفعتها على الدنيا مقيمه=راسنا ما هو يلام وجارنا ما هو يضامي
يوم نفسي من فعايل بعض الاعضا جت كليمه=خل من فوقي اللثام وخل من فوقي الوسامي
وان عرفت اكون من تبقى علاقتنا حميمه=صرح وخل العرب تدري وانا ما ارضى اتهامي
شرعنا بكتاب رب الكون والسنه نقيمه=وعلمنا ما هو يظل ونورنا ماهو ظلامي
اشرع بضرب الفقاره والهوى ينفح نسيمه=وان بغيت العز لا تاكل سوا راس السنامي
دام نفسك في خفايا الناس ما جاتك عليمه=لا تثورك الشكوك ولا تعير لها اهتمامي
القصيمي ما يفرط يا رفيقي في قصيمه=والاوادم يا رفيقي ما تفرط فالنسامي
كل نار لها سناها كل دقه بتعليمه=يوم في كفي معاليق القضيه والزمامي
يا سعيد بروقنا لاحت ولا هي جوف غيمه=جوف نيات القلوب اللي تبادلنا السلامي

المصدر: الملتقى الجماهيري للشاعر محمد بن فطيس المري

وان عرفت اكون من تبقى علاقتنا حميمه=صرح وخل العرب تدري وانا ما ارضى اتهامي
شرعنا بكتاب رب الكون والسنه نقيمه=وعلمنا ما هو يظل ونورنا ماهو ظلامي

يارجل وش اتهمك فيه انا شفت الموضوع ولا فيه اتهام ولا شي بس يكون في علمك انك
مابتجني من ورى اسمك المستعار عز الا اذا جنيت غيره لانك رجل ومثل ماقلت تفتخر بقبيلتك ولا انت
ملزوم بالمستعار لأنك لامخوف ولا محرج وانا اعرفك زين
وان بغيت اصرح بسمك صرحتبه وبحلف قبل لاصرحبه على القرآن انه انت وشكرا

اشكر الاخ محمد على مروره الجميل والذي لا اعلم ماذا سيحصد من وراه

فهو كالمستغيض مني معى العلم اني لا اعرفه ولا امت اليه بصله ولا اعلم ماذا يريد

ولكن صرح كما اردت فكما اوردت لقبلك بالكلام فاعيده لك انت شخصيا انا لا استطيع الاقناع لاي شخص الا بعد
المعرفه الشخصيه بكل فرد واتمنى ان لا تطول بالعربي الفصيح انا لست ناصر المزعوم فكانكم تريدون الايضاح ان لا شاعر الا ناصر فان كان هنا بين طيات المنتدا فل يبرز للنزال في قلطه سريعه لو تكرم ومن يعرف ناصر فل يقم بدعوته وابلاغي بذلك واكون له من الشاكرين على العموم انت تحب الشغب والمطامره زي ما قلت لك واذا اردت الحلايف فحلف وانا سوف اكتفي بالنظر في اليمين حيث اني لست ملزم بما تنسبه لي سواء بالحلوفه او بغيرها
واسمي المستعار هو شخصيتي ما دمت بينكم فارجو قبولي كما انا

شنق ونق صح لسانك ولاهنت والقاف شاب وانا
اخوك واعتذر لك من الرد وانا لم استغيض منك
طلاقا وعلى ماذا استغيض ابدن وانا اخوك
مافي الخاطر الا الزين اما قولتي أني اعرفك
واعرف قبيلتك وتريد مني الإفصاح اعتقد
انك فهمت ولا يحتاج اكرر وربما انني غلطان

يمكن فيه واحد يشبهك في كل شي واحسب انه انت
اما قولتك انت من نادى وحن جئنا على شان الوليمه
اعتقد انه اعتراف كافي ولازلت ادعوك

واكرر بيتي
كان ودي ياطويل الباع ياملا الغنيمه
تقدح المشهاب بالمرقاب وتموط اللثامي
واعتذر لك مرةٍ اخرى ولاهنت

ايو الله ياسعيد وتموط اللثامي صح لسانك ولاهنت ياسعيد كلام قجميل والمعذره منك يابنق شنق مدري شنق ونق تطفلنا عليك بس لاعاد تكتب كثير من شان لاتبين شي

الاخ العزيز سعيد القحطاني تسلم على المرور

ولا هنت على الاطراء وقد يكون كما ذكرت وانا لم اقل انك مغتاض انت هو المغتاض مني

وهو يعرف نفسه اما من ناحيتك ما جا الا الزين يا سعيد ولا تثيرون الجدل حول اللثام والبرقع
فلو لا البرقع لما استقر الطير في وكره فتركوني هنا في وكري كما اشاء لا كما تشاؤون وانسبوني الى اي شخصيه تريدون

صح لسانك ياشنق ونق شاعر وما فيك حيله وانا من رائي تخليك
على ذا الوضع اللي تشوفه مناسب وهذا من ابسط حقوقك
ونحن كاعضاءلا نريدالاالابداع فقط لا نريد معرفة اسماء وما الي ذلك

دمت بخير وعافيه

التهامي صح بدنك وليت الكل يتكلم كما تتكلم

اشكرك على هذا المرور والاطراء الرائع