ضحكتك هكه

[بنت برقا]

كلما جاء الليل قلبي لج به داكوكه
لين يبدأ الفجر وجيوش الهموم اتدكه
ترتحل فكري وتاخذ مع فوادي صوكة
وكل ما تفتح من البيبان باب أصكه
من سبايب من رسم لي خطةٍ محبوكة
وكل مخرج لو بغيت اهج يمه لكه
معه لي صورة قديمة لافها من بوكه
قلت ليه الفعل هذا قال نبي الفكة
ما خبرت اسباب لكن موجته مفروكه
وشاشة ارساله طفت واظنها منصكة
والروابع ضايعة والذاكرة مربوكة
والمزاج انحاس والخاطر حصل له تكة
كان لا جيته يقول الساعة المبروكة
وصار لا جيته يصد بصابره ويحكه
قلت لك رغبة بما خليت مني دوكه
بس ابي روحي تسبّلها وقلبي فكِه
ولا بقي غير العصب واعظامي المنهوكة
هدها كثر التغلي والعنت والشِكة
وروحي وقلبي واحاسيسي معك مشبوكة
ابكي بدمعٍ حقيقي وانت دمعك هكة
طمعتي باللي يبي يفزع معي متروكة
ولا بقي لي بعد ربي غير راعي مكة



لشاعرها : ناصر الهواوي

 

 

 

 

 

 

 

 

توقيع : بنت برقا

التصوير ..ايقاف لحظه من الزمن تبقى للأبد تغني عن كل الكلمات

[اماني المري]

*



بنت برقآإ


يعطيك ربي الف عافيييييه على الطرح
آلقآفيه اعطت آلنص نكهه جميله
سلمتِ

[بنت برقا]

اضاء متصفحي بجمال حضورك

[قـاصد كـريم]

صح ذوقك وصح لسان الشاعر

طرح قيم يستحق التقييم

تقبلي مروري

[.. [ آلورد ] ..]

الله يسعدك اختيار جميل
يعطيك العافيه

دمتي في حفظ الله ورعايته

[بنت برقا]

الله لايحرمني من روعه هالتواجد العطر اضاء متصفحي بجمال ردودكم