(( تذكرتـ ))

[حسين كرعل الوايلي]

[poem=font="simplified arabic,6,darkred,bold,italic" bkcolor="transparent" bkimage="" border="none,4,gray" type=1 line=0 align=center use=ex num="0,black""]
سرا البارق اللي يشعف القلب في مسراه = سرا بعد ما وقع وصدر تعاميمه
تعدا مجر إسقام قبل الفجر و أمداه= و نوَخ على روس العوابر مجاهيمه
تخيلت ميقاعه و هاض الهجوس إِغنَاه=و قامت همومي تِبتِني كنها الغيمه
تَعبرت غير الحر يصعب عليه إبكاه=ولا له بيظهر خافي الصدر و يهيمه
تذكرت ذيك القاع والسيل في المنحاه=يشل الخزاما و النفل في مقاديمه
و تذكرت ربعي عزوتي طيبين الجاه=هل الحد من قدام تِرسَم مراسيمه
و تذكرت شعب" راعي الماشية يرعاه=و لا كل من يرعاه يرقى مراجيمه
وتذكرت زول" حالف" يا حمد ما أنساه=و لا صد دام الوجه يخفي تقاسيمه
عشير" حفظت اسمه وعايش على ذكراه=رغم جور وقتي محتفظ في معاليمه
أحبه وربي ميزه في جميع إِحلاه=ربى جوف قصر" ما تهاوت مراديمه
و أنا يا حمد قلبي كما الدلو بعد إرشاه=يتله هوا ديرة هل العز و الشيمه
أجامل زماني لين سمه علي عَداه=و قهواني الفنجال بِدَت معازيمه
حداني على الغربة ولا لي جهد ينهاه=كواني و ثبت في ظلوعي مياسيمه
يقول انه المكتوب لزم" على أقواه=و انا أقول خابر كل دقه بتعليمه
صبرت و رجيت اللي جميع البشر ترجَاه=هو الواحد اللي نلتزم في ملازيمه
عليه اتكالي عبد مؤمن بيوم إلقاه=هو الواحد اللي يبري القلب من ضيمه
و أنا يا حمد علمي شرحته لجل تقراه=و ردك علي مطلوب يا ذيب تقديمه
ما دامك رفيقي تعرف البيت من معناه=فلا بد من شور" يِبَيِن مراقيمه
تدانيت في الغربة و ذيبي يجر إعواه=و لِعبْ الحُكم و الصن تاليه تنعيمه
علوم الحياء جتني و قلبي تعبت أدراه=و مثلك ترى ما عاد يحتاج تلهيمه
خذ العلم وافي من بِدايته إلين أتلاه=وكيله معرب واثق" من تصاميمه
[/poem]

محبكمـ حسينـ كرعلـ الوايليـ

 

 

 

 

 

 

 

 

توقيع : حسين كرعل الوايلي

[poem=font="Simplified Arabic,6,darkred,bold,normal" bkcolor="transparent" bkimage="" border="double,4,gray" type=2 line=0 align=center use=ex num="0,black""] ياخاطري من ضيقك لا تحسه= كلن يشوف انه زعيم الصداره لو كل مخلوق يعرف قدر نفسه = ما كان زل الفار باب المعاره[/poem] حسين كرعل الوايلي ابو علوشـ

[الصقرالجارح]

حسين كرعل الوايلي
الله الله عليك وصح الله السانك قصيده بقمه الجمال ومو غريب عليك الابداع ياالمبدع ويشرفني ان اكون اول من رد على الجزله
ودي وتقديري

[منصور المنصور]

صح لسانك ياذيب على هالقصيده الجزله ..

[الوهبي الحربي]

صح السانك
وننتظر المزيد,,,,

[حسين كرعل الوايلي]

اقتباس المشاركة الأصلية كتبت بواسطة الصقرالجارح حسين كرعل الوايلي الله الله عليك وصح الله السانك قصيده بقمه الجمال ومو غريب عليك الابداع ياالمبدع ويشرفني ان اكون اول من رد على الجزله ودي وتقديري

اخي الصقر الجارح
صح الله بدنك الابداع والجمال لا يكتمل الا بحضور اصحابه مثل ومثل شرواك

لاهنت والله يكثر من امثالك

دمت بخير

[حسين كرعل الوايلي]

اقتباس المشاركة الأصلية كتبت بواسطة منصور المنصور صح لسانك ياذيب على هالقصيده الجزله ..

صح الله بدنك يا منصور والله لايهينك

دمت بخير

[حسين كرعل الوايلي]

اقتباس المشاركة الأصلية كتبت بواسطة الوهبي الحربي صح السانك وننتظر المزيد,,,,

الوهبي

صح الله قلبك ودمت بخير

[ناصر الشريف]

الله الله يا ابو علي الابداع دائما ما يلازم نصوصك

اعذرني على التاخر في الرد ولكن ثق تماما اني متابع جديدك اول باول

ويكفيني في هذا المنتدا اتابع ابداعك على انزل نصوص جديده

بين ناس لا يرغبون اي شيء مني تحياتي لك يا مبدع

[محمدالحربي]

الله الله عليك يالقرم ...

وصح الله لسااانك مدد

وتسلم يمينك ...

ولاهنت .

[حسين كرعل الوايلي]

اقتباس المشاركة الأصلية كتبت بواسطة ناصر الشريف الله الله يا ابو علي الابداع دائما ما يلازم نصوصك اعذرني على التاخر في الرد ولكن ثق تماما اني متابع جديدك اول باول ويكفيني في هذا المنتدا اتابع ابداعك على انزل نصوص جديده بين ناس لا يرغبون اي شيء مني تحياتي لك يا مبدع

ابو حسين لاعذر على جميل وافي ومرورك وافي

صح الله بدنك يا القرم ومتابعتك تزيدني فخر اما بالنسبه لنصوصك الجديده

صدقني لها متابعينها ومحبين ناصر الشريف يا كثرهم

لذالك ان اقول لك يا صاحبي الشمس ماتحجب بغربال ونصوصك كذالك

دمت بخير