ازززرع زهرررررررر

[ناصر الشريف]

[poem=font="simplified arabic,6,black,bold,italic" bkcolor="transparent" bkimage="" border="solid,4,gray" type=1 line=1 align=center use=sp num="0,black""]
ازرع زهر من بوح فكري واسقيه=بقلوب خلق الله قبل الحصادي

من بعد ماسيقت علي المشاريه=قلت امتطي صهوة هناي وجوادي

للشعر لذه يوم تبعد مراميه=وللبوح غاره زي خيل الجهادي

يا صاحبي للصوت با اقول لبيه=لو كان ظهري مل حمل العتادي

ابغى انتظر من شمس الالباب توجيه=لجل اتهنا يوم احرر مرادي

وجد اليتيم اللي ملا الهم كفيه=يشبه توجادي على اهل الفسادي

ما دام صمت الناس يعاني من التيه=ليه الكلام يفض غيض النوادي

اللي مضى من معجم الروح با امحيه=واللي بقى لي هامتي يا زنادي

راسي غدا شيب الغرابيل كاسيه=والهم زاد ونزف الاهات زادي

اللي من اول كان الاجداد تحميه=قمنا نحول رايته للسوادي

تاريخنا وتراثنا نرتعي فيه=واصبح فريسه يا طيور الهدادي

ماني معاتب شخص قبل اني ارضيه=وماني مبرر لجل ابين رشادي

ولا ما حضرت اسوي اليوم تمويه=ولكن بديت امل غيض العبادي

للنار واهج لكن اللحم تشويه=والما يغيض وفيضه بلا كسادي

والشخص لو لا الرايه اللي تعليه=وش فايدة رجال ماله مبادي

ناخذ من الطيب وللطيب نحريه=ونشوم عن زيف الحكي والتمادي

ما دام راسي بس للخالق احنيه=با ابقى عليه اشد ركن اعتمادي

ازرع لجل فعلك بالاجواد تجنيه=واجعل شموخك نجم فوق العمادي

واطلب كريمِ كل الاحيا تناجيه=ما غيره اللي للمخاليق هادي

ترجيه وانا ارجيه والكل يرجيه=والعلم عنده بالحشر والمعادي

فاجعل رفيقك من يمينه تبديه=والطاعه تنجيه في كل وادي

هذي مشاعر شاعر الهم مذيه=شاعر فقير اخلاق وانسان عادي

لكن بربعه من هو اللي يوازيه=امجاد ربعه كل يومٍ جدادي

اشراف لا ثار البرا تحتضي فيه=كم من عديمٍ جات ناره رمادي

ربعي هل النالات والعز تزيه=في كل جرح يبين منها ضمادي

يا لابتي يا نور ساري تعليه=بين السما والقاع ماله نفادي

من هو نصاكم بالقنا لازم افريه=حربة ضفر في حر والا برادي

واليوم هاكم بعض ما انا مسويه=وامجادكم ما تنحصى بالعدادي
[/poem]

 

 

 

 

 

 

 

 

[شنق ونق]

من الغريب ان تمر هذه الشامخه مرور الكرام

ولا يمر عليها احد الى ان ياتي شنق ونق لينتشلها من بين الركام
ويعيدها للعرض يمكن ان الاخوان لم يروها لتاخذ حقها من التمجيد

الصراحه اني مشتاق الامس نص جديد لهذا الشاعر