يطير الطير يامحلا ارتفاعه

[بنت برقا]

[align=center][tabletext="width:70%;background-color:black;border:5px solid white;"][cell="filter:;"][align=center]
يطير الطير يامحلا ارتفاعه
والى منه عرف كيف اندفاعه

يحوم الطير لاكن وش مصيره
يعود للوطن حسب اقتناعه

ترا المنجوم مايعرف طريقه
ولو دلوه عراف الجماعه

ترا الايام للعاقل مدارس
تميز الشراه شـ الي باعه

ضعيف العقل ياربي تعينه
نراه ضعيف ماعنده مناعه

ينكر كل خلق الله ضده
ولا يعرف ذراعه من كراعه

الى جاله من ادنا الناس غلطه
جعلها بين خلق الله اشاعه

حذاري ياعزيز النفس وافهم
كفاك الله شر اهل القطاعه
[/align][/cell][/tabletext][/align]

 

 

 

 

 

 

 

 

توقيع : بنت برقا

التصوير ..ايقاف لحظه من الزمن تبقى للأبد تغني عن كل الكلمات

[الماسـه]

إذا هذي الابيآت لك صح لسآنك قلبي
وإذا لغيرك صح لسآنه

روووعه بنت برقآ الله يحفظك يآرب

[بنت برقا]

صح بدنك اختي الماسه

لا الابيات هاذي لي

اسعدني جدا تواجدك العذب

[ماجد الشيباني]

ضعيف العقل ياربي تعينه
نراه ضعيف ماعنده مناعه

ينكر كل خلق الله ضده
ولا يعرف ذراعه من كراعه

الى جاله من ادنا الناس غلطه
جعلها بين خلق الله اشاعه

الله الله
على هـــ القصيدة الجزلة
وصح لسانك يابنت برقا
وماشاء الله عليك أبدعتي
أبيات فيها الكثير الحكمة والمعاني الجزال
الله لا يهينك على هــ الطرح المميز
تحيااتي

[الماسـه]

اقتباس المشاركة الأصلية كتبت بواسطة بنت برقا صح بدنك اختي الماسه لا الابيات هاذي لي اسعدني جدا تواجدك العذب

ماشاء الله ابدااااع وربي
وليش أجل تحرمينآ دائما من قصايدك
أقول تعآلي هنآك أستنآك بإذن الله *__^
بقولتس سر

[بنت برقا]

ماجد الشيباني

صح بدنك وهذا من ذوقك
اضاء متصفحي بجمال تواجدك العذب

[عزاام]

بنت برقا ... الله الله الله

.. معنى موجود .. لغه مفهومه

لكن الشطرهذا تميز الشراه شـ الي باعه ماضبط معاي .. أعتقد فيه خطأ املائي ..

[بنت برقا]

عزام

اسعدني جدا تواجدك العذب

لا مافيه خطاء املائي ^_^ تعمدت افصل الحرف واقصد بالكلمه هاذي ايش اللي باعه

والبعض ينطقها شـ اللي

[فهد الهباش]

صح لسانك يالبرقاوية ،

لكن وينك من زمان ،

ليش خبيتي هالابداع ،

على هالقصيدة انتي شاعره مميزة ، ولكنت لازم نشوف جديدك قريب ،
ومالك عذر ، ابد ،،

تحياتي وتقييمي ،

[مشاعر مجروحه]

بنت برقاااا
يسسسسلمو ع القصيده
الجزله مبدعه مبدعه
لكي ودي