أعيد..أزيد..أزيد..وأعيد..وأزيد

[حلم~]

[ALIGN=CENTER][TABLETEXT="width:70%;background-color:black;"][CELL="filter:;"][ALIGN=center]

أغلط ..وأكرر للغلط وأرجع أعيد!!
وأصلح الغلطه..بغلطه جديده!!
أعيد..أزيد..أزيد..وأعيد..وأزيد
وأغلط..وأعيد..أزيد..وغلط وأعيده
أحسب ويطلع ناتجي عكس ماريد
والحل يطلع عكس حلً أريده
عجزت أحدد نقطة الصح تحديد...
عجزت لا آصل للحلول السديده
وعجزت أوحد وحدة الرآي توحيد
بهدف وحيد..أطلع بجمله مفيده
مازلت واقف بين شكيً وتأكيد
ومابين قيد المحتمل والأكيده
أركض ..ولكني عجزت آصل الميد
وأنهد حيلي والمسافه تبيده
أحلم..وأهيم بعالم الحلم وأهيد
من دون شى أستثمره وأستفيده
العبء يكبر والحمل يكسر الحيد
والوقت قاسي والليالي عنيده
لاقلت زان الوضع يزداد تعقيد
ولاقلت هانت..!طال عمر الوعيده
شاخ الأمل وبانت بوجهة تجاعيد
وساع الرجاء..مليت رجوى بريده
بين الشموع الخافته والأناشيد
عايش على(ذكرى الضياع)المجيده
"العيد"."كان إني معك".جبت أنا العيد
لاتعاتب المقرود لو جاب عيده
عاتب..زمن..عاتب..حظوظ المقاريد
وفقر وأسى نصف الشعوب التليده
وعادات وسلوم العرب والتقاليد
وأحكام ماتحمل لشرع وعقيده
والعنصريه والجهل والمناقيد
ونفوس ناسً كل دورً تجيده
طبع الخريف ايجرد الغصن تجريد....
والريح تعزف من غصونه نشيده
وطبع البشر مأخوذ من قسوة البيد
وعهودهم تشبه كلام الجريده
الغلطه..اللي ماوراها مقاصيد
تنعد حاجه تافهه أوزهيده
جرح المشاعر مانفع فيه تضميد
لاصار بأقصى القلب ينزف صديده
"لافات!!..فات..الفوت"..الصوت..مايفيد..
وعذر الخطاء!!..بعد الخطاء!!..مايفيده
مابه جدى غير الجدى والتواجيد
ماعاد فيه أحلام حلوه سعيده
رسالتك شبت بجوفي مواقيد..
ومضمونها سبب ولادة قصيده.

.

[/ALIGN][/CELL][/TABLETEXT][/ALIGN]

 

 

 

 

 

 

 

 

توقيع : حلم~

💜

[سعيد محمد القحطاني]

ياسلاااااااااااااااااااااااام ي احاسيس
عزالله كفوو ي الا جوديه بالاختياروالتنسيق
والتصميم العالمي تقبلي تحيات اخوك سعيد
ودي أمدحك وأخاف من محمد جعل يومي قبل يومه
لنه كفو وانتي مبدعه تقيييييييييييم

[حلم~]

آسعدني مــرورك وفيت وكفيت ماعليك زود ..

[ماجد الشيباني]

الله
على جمال معانيها ومضمون أبياتها
رغم ضياع الأمل إلى أن المواقف لها الأثر في تحرك قريحة الشاعر
القديره / أحاسيس
تسلم يمينك على هــ القصيدة الجزله
نغم حروفها ممتع ولحها حزين
تحيااتي

[نديب]

أحسب ويطلع ناتجي عكس ماريد
والحل يطلع عكس حلً أريده



أبيات روووعه وتنسيق أروع

تحياتي

[حلم~]

آسعدني تواجدكم

[عزاام]

اقتباس طبع الخريف ايجرد الغصن تجريد.... والريح تعزف من غصونه نشيده وطبع البشر مأخوذ من قسوة البيد وعهودهم تشبه كلام الجريده الغلطه..اللي ماوراها مقاصيد تنعد حاجه تافهه أوزهيده جرح المشاعر مانفع فيه تضميد لاصار بأقصى القلب ينزف صديده "لافات!!..فات..الفوت"..الصوت..مايفيد.. وعذر الخطاء!!..بعد الخطاء!!..مايفيده

أحاسيس يسلم الذوووووووق

من جد خيالهااااا رائع ... لتس تقييم عزاام ..

[حلم~]

آسعدني مرورك

[محمد الوريكي]

آحآسيس واقع من الاحاسيس وقمة بالذوق
تسلم دياتك اختي الغاليه آهات لاهنتي وسلمتي

[الفلوه]

قصيده رائعه
واحسااس رائع وكلمات جميله
لاهنت علي هذا التالق والتميز الدائم