(( غيث الحبايب ))

[محمد بن عبدالهادي المري]

السلام عليكم ورحمة الله وبركاته انشاء الله تكونون باحسن حال

ارجو ان تنال استحسانكم وذووقكم

شقيت معك ولا لقيت من الشقا غير الشقا
ـــــــــــــــــ ما تدري ان الحب كثر الصد يضعف قوّته

الله أكبر يالغلا اللي كان قل مدري وش بقا
ــــــــــــــــ قِل اهتمامك به وشحّك بالمواصل شوّته

ياطير ياللي فل جنحانه وللعليا رقا
ـــــــــــــــ يا ما حلا لا ضاق صدري من زماني خوّته

وصّل سلامي يا عسى ريشك من السوء عتقا
ـــــــــــــــ للصاحب اللي كل وقت ٍ في لقانا فوّته

قل له ترا ملح المحبه فالمواصل واللقا
ــــــــــــــــ وكثر انقطاعه والغياب يسمّجه ويموّته

وقل له ترا ما ضاع من فرصة لقا ما تنلقا
ـــــــــــــــ وان الليالي لا فتل بحبال حلمه لوّته

اللي علومه طيبه بالامس واليوم محقا
ـــــــــــــــ يقفي وصلفات الليالي لا توارى روّته

راح ونسى عهد الصداقه كن ماحن بأصدقا
ــــــــــــــــ وان ما ضوى من خاطره حاجات بقعا ضوّته

ما علموه ان الزمن يخلف هقاوي من هقا
ـــــــــــــــــ ما حصّل الا فقد مصداقيته مروّته

من لا يجي عشقه على درب الصراحه والنقا
ــــــــــــــــ غيث الحبايب لا يخايل في سمانا نوّته

لأنه ومن مثله ماغير هموم وجروح وشقا
ـــــــــــــــــ ان ما صدق في خوته ماهي تسرك خوّته

وسلامتكم

 

 

 

 

 

 

 

 

[admin]

يالله أنك لا توقف غزارت شعره وجماله حرف

أنا الحظيظ اليوم كوني اول من يرد وهذا فخر كوني امام شاعر مميز ولا يهون باقي الشعراء

أنت من بين الاخوان اللي استمتع بقراءت قصائدهم وأنا من أشد المعجبين بك

استمر الله يحفظك ويبعد عنك السوء والله لايحرمنا منك ومن حرفك الجزل

انت خابر شهادتي فيك لاخلييت منك يامحمد

اتمنى تلقي نظره على لوحة التحكم الخاصه بك وخاصه تعليقات التقييم

لاهنت ولا يهون الجميع

أخوك
ابو مشاري

[محمد الوريكي]

صح لسانك يامحمد المسمى على النشاما
درر لاخلينا منك وشرواك وانا ثاني المتابعين
لك ومن المعجبين بشعرك وشهادتي فيك مجروحه
لاهنت يالغالي وسلمت

[هيبة ملكه]

وعليكم السلام ورحمة الله وبركاته ..

من لا يجي عشقه على درب الصراحه والنقا
ــــــــــــــــ غيث الحبايب لا يخايل في سمانا نوّته

لأنه ومن مثله ماغير هموم وجروح وشقا
ـــــــــــــــــ ان ما صدق في خوته ماهي تسرك خوّته

الله عليك وربي مبدع

محمد المري

صح الله لسانك مدد بلا عدد واعتلى شانك
يعطيك العافيه على الآبيات الرائعه كما عهدناه

من سموك الراقي وسلمت يمناك لاهنت ولاعدمنا جديدك ^^

[خالد العبيريد]

حياك الله محمد المري ,,

وانت سالم وصح الله لسانك وصح كلك ولاهنت على الابيات الجزله بمى تعنيه الجزاله ,,

خالص التقدير والاحترام والمتابعه لك .

[هايدي الحلوه]

صح لسانك

محمد المري مبدع
وموغريبه عليك الابداااع

منتظره جديدك

[ترانيم المطر]

بيض الله وجهك
لا زال الشعر بخير وأمثالك يكتبونه
صح كلك ولا هنت
تقبل تحيتي وتقديري
ترانيم

[بنت برقا]

الشامخ محمد المري..
صح لسانك مليون ولايكفون..
الله عليك وعلى احساسك المفعم بالعذوبه والجزاله
اسجل اعجابي بهذا النص الراقي
لك ودي وتقييمي

[الماسـه]

صح لسآنك محمد
مايحتآج تعرف إيش كثر أحب قصائدك
ماأقول غير ماشاء الله
الله يحفظك يآرب
أحلآ تقييم سلف

[مشاعر مجروحه]

خيو محمد صح لسانك وبيض الله وجهك قمه وجزاله
مافيه مثلها باقة ياسمين لروحك